ချိန်းတဲ့ ည

by သတိုး သတိုး on Monday, August 15, 2011 at 1:00pm

                        ရင်ခုန်သံ အနည်းငယ်မက မြန်ဆန်လို့နေသည်။ တွေ့လျှင် ဘယ်ကစလို့ ပြောရပါ့။ အကျေအလည် ညှိနှိုင်းကာ သဘောတူညီချက်ကို ကြိုတင်ရယူထားပြီးဖြစ်သော်လည်း အဆင်မပြေမှာ ကြိုတွေးပူပန်နေမိသည်။
                        ရပ်ကွက်တစ်ခု၏ လမ်းမကြီး ဟိုဘက်အစွန်မှ သည်ဘက်အစွန်အထိ ခြေကျင်ခရီးက ဝေးလှမ်းလှတာတော့ မဟုတ်ပေ။ ဒါပေမယ့် မြို့ငယ်လေးတစ်ခုရဲ့ အစွန်အဖျားရပ်ကွက်တစ်ခု၏ ကတ္တရာလမ်းမများက ဇာတိရုပ် မပီပြင်နိုင်တော့ပြီ။ နိမ့်မြင့်ချိုင့်ဝှမ်းအသွယ်သွယ်ဖြင့် လကမ္ဘာနှင့် ယိုးမှားချင်စရာ။ ညနေက မိုးတစ်ပြိုက် ရွာချခဲ့သောကြောင့် ကျင်းချိုင့်နေရာတွေမှာ ရေအိုင်ကွက်တွေ ဖြစ်ပေါ်နေသည်။ ခြေလှမ်းတိုင်းမှာ ထိုရွှံ့နွံအိုင်ကွက်တွေကို သတိကြီးစွာ ကွေ့ရှောင်နေရတာကိုက အလုပ်တစ်ခုဖြစ်နေသည်။ ဖြတ်သွားဖြတ်လာ များသောလမ်းမမို့ ရွှံ့နွံဗွက်များပေါ် တလွှားလွှား သိုင်းကွက်နင်းနေကြသော လူတွေလည်း တလှုပ်လှုပ်။ အပြန်ကျလျှင် မျက်နှာသိနေသောဆိုက္ကားတစ်စီးစီး ငှားစီးမည်ဟု ရည်ရွယ်ထားခဲ့သည်။ ခုအတိုင်း
ဆိုလျှင်တော့ဒီလမ်းခရီးကို ဘယ်ဆိုက္ကားမှ လိုက်ချင်ကြတော့မည် မထင်။
                       တွေးနှောင့်ပူပန်နေမိသော စိတ်သောကကြောင့်လည်း ခြေလှမ်းများက နှေးကွေးလေးအီနေသည် ထင်၏။ တင်လေးကို ဇွတ်အတင်းခေါ်လာခဲ့ရ အကောင်းသားဟု တွေးမိသည်။
                        အဲဒီ တင်လေးတစ်ယောက်ဟာ အရေးအကြောင်းရှိလျှင် ဘယ်တော့မှ အားကိုးရသူမဟုတ်။ ခုလည်း မွန်မွန်နဲ့ အဖော်လိုက်ခဲ့ပေးဖို့ နံနက်ကတည်းက စည်းရုံးတောင်းပန်နေခဲ့ရတာ လေကုန်ရုံ အဖတ်တင်သည်။ သူ့ဇာတ်လမ်းတွဲလာမည့်အချိန်နှင့် တိုက်ဆိုင်နေလို့ မလိုက်နိုင်ဘူးတဲ့လေ။ ကိုရီးယားဇာတ်လမ်းတွဲ သူရဲမ။
                        လမ်းမီးတိုင်တွေကလည်း တစ်တိုင်နှင့်တစ်တိုင် တစ်ခေါ်လောက်ဝေးလေ၏။ မြို့နယ်လျှပ်စစ်မီးက
မြို့လယ်ရပ်ကွက်တွေမှာတော့ နှစ်ဆယ့်လေးနာရီနီးပါး ကောင်းမွန်လာခဲ့ပြီဟု ပုံပြင်လိုလိုဆိုကြသည်။ အစစ နှေးကွေးနောက်ကျလေ့မြဲဖြစ်သော မွန်မွန်တို့၏ အစွန်အဖျား ရပ်ကွက်ကလေးမှာတော့ ကိုယ့်အားကိုယ်ကိုး လျှပ်စစ်မီးကိုသာ အားကိုးနေကြရဆဲပင်။ ပုဂ္ဂလိက ကိုယ်ပိုင်မီးစက်ကလေးတွေက  နှစ်ပေမီးချောင်းတစ်ချောင်းလျှင် တစ်နေ့ တစ်ရာကျပ်နှုန်းဖြင့် လျှပ်စစ်မီးပေးနေသောကြောင့်သာ သည်ရပ်ကွက်ကလေး လင်းလင်းချင်းချင်းနေနိုင်သေးတာဖြစ်သည်။ မဟုတ်လျှင် ဖယောင်းတိုင်အလင်းပြပြအောက်မှာ ရွာငယ်ဇနပုဒ် မီးကလေးမှိတ်တုတ်ပဲ ရှိနေဦးမည် ထင်သည်။ မီတာတွေ လျှောက်ထားလို့ရပြီဆိုလို့ ၀ိုင်းလျှောက်လိုက်ကြတာ လွန်ခဲ့သော တစ်နှစ်ကျော်ကဖြစ်မည် ထင်ပါရဲ့။ ခုထိလည်း ဖြူသလား၊ မည်းသလား သတင်းအစအနမျှပင်မရသေး။
“ တီဗွီနဲ့ အောက်စက်ကလေး တစ်စုံလောက် ၀ယ်ပေးပါလား မမွန်ရယ် နော်။ ကိုယ့်ညလေးကို ၀ယ်ပေးနော်”
                        သည်စဉ်ကတော့ တင်လေးထံ မျက်စောင်းတစ်ချက် ပစ်လွှတ်ပေးလိုက်ရသော်လည်း စိတ်မှာတော့ သင်းကလေးကို သနားကရုဏာသက်ခဲ့ရသေးသည်။ ညဦးယံကိုရီးယားဇာတ်လမ်းတွဲရေစီးမှာ သူသူငါငါ နစ်ဝင်ငြိမ့်မျောနေကြစဉ်မှာ တင်လေးသည်လည်း လူငယ်ပီပီ ဂူဂျွန်ဖြိုး၏ ပရိတ်သတ်တစ်ယောက် ဖြစ်ခွင့်ရှိသည်ပင်။ ဂျီဟိုလေးကိုမှ ရူးရူးမူးမူး အသည်းစွဲဖြစ်နေတာလည်း  အပြစ်မဆိုသာပါ။ သို့ပေမယ့် အရွယ်ရောက်ပြီး မိန်းကလေးတစ်ယောက်အနေနှင့် သူတကာအိမ်တိုင်းစေ့အောင် လှည့်လည်ကာ တီဗွီစကရင်ရှေ့ တမော့တမော ကြည့်ငေးအချိန်ကုန်နေဖို့ မသင့်တော်ဟု ထင်သည်။ တရုတ်တီဗွီနဲ့ အီးဗွီဒီစက်ကလေးတစ်စုံလောက်တော့ ခြစ်ခြုတ်စုဆောင်းဝယ်ပေးဦးမှပါ။
                        သည်လမ်းမတန်း တစ်လမ်းလုံးမှာ တီဗွီ၊ အောက်စက် မရှိသောအိမ်ရယ်လို့လည်း လက်ချိုးရေတွက်လို့တောင် ရနိုင်နေပြီ။ မွန်မွန်ဖြတ်လျှောက်ခဲ့ရာ လမ်းတစ်လျှောက် အိမ်တိုင်းစေ့၏ ဧည့်ခန်းတွေမှာ မိသားစုဝင်တွေကို ငြိမ်ငြိမ်ငေးငေးကလေးတွေ တစ်စုတစ်ဝေးတည်း မြင်နေရသည်ဟုပင် ဆိုလိုက်ချင်တော့သည်။ မြ၀တီမှခုနစ်နာရီခွဲ တီဗွီဇာတ်လမ်းတွဲ လွှင့်နေချိန်မဟုတ်လား။ ခုလောက်ဆိုလျှင် တင်လေးတစ်ယောက်လည်း ခေါင်းရင်းအိမ်မှာလား။ ခြေရင်းတစ်အိမ်ကျော်က မိငယ်တို့ အိမ်မှာများ အဖွဲ့ကျနေပြီလားပင်။
                        မွန်မွန်လာခဲ့သည့် အန်တီအေးတို့အိမ်က ဒီနားဝန်းကျင်မှာပဲ ထင်ပါသည်။ အိမ်တွေက တစ်အိမ်နှင့်တစ်အိမ် ပူးကပ်ကျပ်ညပ်နေကြကာ ဧည့်ခန်းကျဉ်းကလေးတွေကလည်း ခြားခြားနားနားမရှိလှဟု စိတ်မှာထင်သည်။ နေ့အချိန်မဟုတ်လို့လည်း ဖြစ်မည်။
“အစ်မ….အန်တီအေးတို့အိမ်က ဘယ်နားမှာလည်း ဟင်”
                   ထိုအစ်မကြီးက မွန့်အား အကဲခတ်နေပြန်၏။ ကာလအတန်ကြာ အိမ်နီးနားခြင်းတွေအဖြစ်ဘေးချင်းကပ်နေလာခဲ့ကြပုံရသော  အန်တီအေးတို့၏ အိမ်ကိုပင် ချင့်ချင့်ချိန်ချိန်၊ တွေးဆတွေဝေနေဟန်ဖြင့် မယုတ်မလွန်ညွှန်ပြရှာလေသည်။
                        အန်တီအေးတို့ အိမ်ပေါ်မှာလည်း ကလေး၊ လူကြီးစုံစုံညီညီနှင့် ဧည့်ခန်းတစ်ခုလုံး ခန်းလုံးပြည့်ပါပေ။
                        မွန်မွန်တို့လည်း တီဗွီ၊အောက်စက်ကလေးနှင့် အငြိမ့်သားဇိမ်ကျခဲ့ဖူးသားပင်။ မွန်မွန်နှင့် တင်လေးတို့ကြားက နီနီတို့ဇနီးမောင်နှံ အိမ်မခွဲခင်ကာလ သူ့ယောက်ျား၏ ကျေးဇူးနှင့် ဖြစ်ပါသည်။ လွန်ခဲ့သော နှစ်နှစ်ခန့်ကမှ နီနီတို့ အိမ်ခွဲသွားကြရာ မွန်မွန်တို့တတွေလည်း နရီပျက်၊ တိုင်ပင်အောက် ကုန်ရတော့တာပင်။
“မနီကလည်း ဒီမှာပဲ နေလက်စနဲ့ ဆက်နေလိုက်ရင်  ပြီးရော”
“ တင်လေးရယ်။ မသိရင် ခက်မယ်နော်။ ရှင် ကျုပ်တို့ကို မခွဲချင်တာရော ဟုတ်လို့လား။ ရှင့် အမျိုးတွေကို လွမ်းနေရမှာစိုးလို့မှ ဟုတ်ရဲ့လား ဟွန်း”
``ဟုတ်ပါဘူးနော်။ ဇာတ်လမ်းတွဲများ ဘယ်အိမ်သွားကြည့်ကြည့်ပါ။ တင်လေးက ဒီအမေက မွေးထားတဲ့ ညီအစ်မသုံးယောက် မခွဲပဲတူတူနေချင်လို့ ဥစ္စာ”
                        နီနီတို့ အိမ်ခွဲဆင်းသွားကြကတည်းက တင်လေးတစ်ယောက်လည်း လမ်းထဲက အိမ်အနှံ့ တီဗွီလည်ကြည့်တတ်ခဲ့တော့တာ ဖြစ်သည်။
“ဟယ်…မွန်မွန်၊ လာ…လာ.. အိမ်ပေါ်တက်”
                        အန်တီအေးက မွန်မွန်ကို လှမ်းအမြင်မှာ ပြာပြာသလဲ ထွက်ကြိုရှာပါသည်။ ဧည့်ခန်းထဲရှိ ကျန်ပရိတ်သတ်ကြီးကတော့ ဖျတ်ခနဲ တစ်ချက်မျှလှည့်ဖော်ရသည် ဆိုရုံပင်။ တီဗွီစကရင်ဘက်ဆီ မျက်နှာတွေ ချက်ချင်း ပြန်လည်သွားတော့သည်မှာ မွန်မွန့်ကို ဧည့်သည်အဖြစ် အရာသွင်းကြပုံပင်မရ။ အန်တီအေးက မွန်မွန်ကို အားနာနေဟန်ဖြင့် နေရာထိုင်ခင်းတစ်ခုစာ ရှာကြံပေးရှာပါသည်။ မွန်မွန်လည်း အန်တီအေးအား တပြန်အားနာနေမိပြန်တာကြောင့်…..
“အန်တီအေး ဇာတ်လမ်းတွဲ ကြည့်နေတာ မဟုတ်လား။ ကြည့်ပါ။ မွန် စောင့်ပါ့မယ်။ အဲဒီ မင်းသားကို မွန်လည်းကြိုက်တယ်”
                        စိတ်ပုတီးကုံးကလေး တချောက်ချောက်မပျက်စေပဲလျှက် ပြီးခဲ့သော ဇာတ်လမ်းအကျဉ်းများကို အလျည်းသင့်သလို နောက်ကြောင်းပြန်ကာ လက်ရှိဇာတ်ဝင်ခန်းနှင့် ဆက်စပ်ပြောပြပေးနေသော အဖွားအိုက အန်တီအေး၏ မိခင်ဖြစ်သည်တဲ့။ အင်း..  အိမ်က အမေလည်း ဇာတ်လမ်းတွဲကြိုက်ရှာမည်ပင်။ တင်လေး၏နှုတ်မှ ရေပက်မ၀င်၊သာချင်းတစ်ထပ် ပြန်ပြောပြတတ်ခဲ့သော ဇာတ်လမ်း၊ ဇာတ်ကွက်များကို မညည်းမငြူ နားထောင်ပေးလျက် စိတ်အတွေးဖြင့်သာ ပုံဖော်ကြည့်နေခဲ့ရရှာသည်။
“အမေကြည့်ချင်ရင် လိုက်သွားလေ။ တင်လေးလည်း အဖော်ရတာပေါ့”
“ဟယ်…ခေါင်ဖြူစွယ်ကျိုးကြီးနဲ့ သူများအိမ်လည်ပြီး ကြည့်ချင်ပါဘူး”
                        ဆိုင်မှာ မွန်မွန်တစ်ယောက်တည်း မထားရစ်ခဲ့နိုင်တာလည်း ပါပေမည်။ ဈေးဝယ်သူကျလာလျှင် မနိုင်မနင်း၊ကသီလင်တ ဖြစ်ရမှာကို အမေပူပန်၏။ ကိုယ့်အိမ်ကိုယ့်ယာမှာဆိုလျှင်တော့ အမေလည်း တစ်နေ့တာလုံး တတောက်တောက် လှုပ်ရှား ပင်ပမ်းနွမ်းလျခဲ့ရသမျှကို တီဗွီရှေ့မှာ အနားယူ ဖြေလျှော့ချင်မည်ပင်။ မွန်မွန်ကလည်း အမေ့ကို တီဗီရှေ့မှာ အေးအေးလူလူကလေး နားနားနေနေ ရှိစေချင်ပါသည်။ အရှင် ဥာဏိဿရ၊ အရှင် ဦးကောဝိဒတို့၏ တရားတော်တွေကိုလည်း အမေ့အား နာယူကြည်ညိုစေချင်ပါသည်။
“ အမေ…ဒါ မမြလွင်ရဲ့ သမီးလေး”
                        ရှစ်နာရီသတင်းလာလေမှ ပရိတ်သတ်လူစုကွဲကာမွန်မွန့်အား အဖွားနှင့် မိတ်ဆက်ပေးနိုင်တော့လေသည်။
“ ဟဲ့… ဒါ မြလွင် သမီးလား။ နီနီတာ တစ်ယောက်တော့သိတယ်။ သူလေးက အစောကြီး အိမ်ထောင်ကျသွားတယ်နော်။  သမီးက အငယ်လား”
“ မွန်က အကြီးဆုံးပါ အဘွား။ မွန်မွန်တာ ပါ”
“မနှစ်က ဆယ်တန်းအောင်တဲ့ ကလေးမက အငယ်ဆုံးလား”
“ ဟုတ်ပါတယ် အဖွား။ တင်လေး…အဲ…တင်တင်တာပါ”
                        မွန်၏ လာရင်းကိစ္စကို အဖွားက ကြိုတင်သိနေနှင့်သလိုပင် စကားစကို သိသာစွာဖြတ်ကာ ရှောင်ထွက်သွားသောကြောင့် မွန် နည်းနည်းအားနာမိသော်လည်း အသက်ရှူချောင်ရပါသည်။ ဒါပေမယ့် စကား ဘယ်လိုစရပါ့။ အန်တီအေးက အလိုက်သိရှာလို့ တော်တော့သည်။
“မွန်… တစ်ခါတည်း သယ်သွားတော့မှာလား”
“ရှင်….ဟုတ်… ။အဆင်ပြေမယ်ဆိုရင် မွန် တစ်ခါတည်း သယ်သွားချင်ပါတယ် အန်တီအေး”
                        အန်တီအေးက သူ့ပစ္စည်းအလွန်ကောင်းကြောင်းတွေ ရွှန်းရွှန်းဝေနေသေးသည်။ တင်လေးကတော့…
“ ပေါက်ဖော်ကြီးက ပေါက်ဖော်ကြီးပါပဲ မမွန်ရယ်”
                        ဟု ပြောခဲ့ဖူးသည်ပင်။ ပြီး….
“မမွန်ကလည်းကွာ။ တရုပ်ကြီးလည်းဖြစ်ပြန်၊ တစ်ပတ်ရစ်လည်းဖြစ်ပြန်။ မနိပ်ပါဘူး”
                        မွန်ကတော့ အန်တီအေးလက်ထဲက တစ်ပတ်ရစ်မို့သာ စိတ်ဝင်စားမိတာဖြစ်ပါသည်။ အန်တီးအေးတို့က တစ်ရံခါအချိန်တွေတုန်းက ခေတ်ကောင်းခဲ့ဖူးကြသူတွေဖြစ်သည်လေ။ လောင်းကစား စီးပွားရေးလောကမှာ အန်တီအေးရော သူ့ခင်ပွန်းပါ တက်ညီလက်ညီအောင်မြင် တွင်ကျယ် ခဲ့ဖူးကြသည် မဟုတ်လား။ ဒါပေမယ့် ကြွေတစ်လှည့် ကြက်တစ်ခုန်ဆိုစကားက အန်တီအေးတို့အတွက် ကွက်တိတိုက်ဆိုင်နေခဲ့ပြန်သည်။ အကုသိုလ်က ရောက်လာပြီဆိုတော့လည်း အဖော်အသင်းနှင့် ပျော်ခင်းသာနေသလားတောင် ထင်ရသည်။ စီးပွားရေးယိုင်နဲ့ပြိုလဲစဉ်မှာ အန်တီအေး၏ယောက်ျား အသည်းအသန် နာမကျန်းဖြစ်တော့သည်။ အတွင်းပစ္စည်းလေးတွေ တတိတိကုန်လုကုန်ခင်ဖြစ်တော့မှ ဆုံးပါးကွယ်လွန်သွားတော့သည်။ အန်တီအေး၏ သားကြီးတစ်ယောက် အဖမ်းခံရပြန်တာလည်း လဲရာ သူခိုးထောင်းသလို ဖြစ်ရပြန်၏။ သူလည်း ဘမျိုးဘိုးတူကလေးမို့ လောင်းကစားမှုနဲ့ပဲဖြစ်သည်။ ထိုအချိန်အထိ မွန်တို့နှင့်အန်တီအေးသည် ပတ်သက်စရာ အကြောင်းတစ်စုံတစ်ရာ မရှိကြသေးပါ။
                        ဆယ်တန်းတစ်နှစ်လုံး ကိုရီးယားဇာတ်လမ်းတွဲနှင့် အဆက်ဖြတ်ပါ့မည် ဟူသောကတိကို တင်လေးထံမှ မရအရ ယူခဲ့မိတာက စပါသည်။
“ ဒီနှစ် တင်လေး… နှစ်ချင်းပေါက်အောင်ရင် မမွန်… တီဗွီနဲ့ အီးဗွီဒီတစ်စုံ ၀ယ်ပေးရမယ်”
                        နောင်ခါလာနောင်ခါဈေးပဲဟု ခေါင်းညိတ်လိုက်မိခဲ့သည်။ တင်လေးတစ်ယောက် အပြောနှင့် ညီစွာ ဆယ်တန်းကို ချောချောမောမောအောင်မြင်လာခဲ့ပြီ။ မွန့်မှာတော့ ကတိမတည်နိုင်အားသေးပေ။ တင်လေးက အစ်မကို အလိုက်သိစွာငဲညှာရကောင်းမှန်း သိတတ်နေလို့ တော်တော့သည်။ သို့ပေမယ့် ညီမလေးရဲ့ စိတ်အတွေးထဲက စွဲလန်းမှုကတော့ ပျောက်ပျက်မှေးမှိန်မသွားသေးတာကိုလည်း မွန်မွန်ကရိပ်မိနားလည်နေပါသည်။ တင်လေးရဲ့ စကားထဲမှာF4၊ ဂူဂျွန်ဖြိုး၊ ဂျီဟိုတို့က တစ်လှည့်စီဇာတ်လိုက်တွေ ဖြစ်နေမြဲ။ ကင်ချီကို ချဉ်ချင်းတတ်နေပြန်မြဲ။ မွန်အပြင်မှပြန်အလာကိုအညာစယော်…ဟုခါးကလေးညွှတ်ကိုင်းကာပြုံးစစကျီစယ်နှုတ်ဆက်လေ့မြဲ။
                        မွန်မွန်သည် လွန်ခဲ့သောသုံးနှစ်၊အဖေဆုံးပြီးစကတည်းကအမေ့ထံမှ ပခုံးပြောင်းတာဝန် လက်လွှဲယူခဲ့ရသော အိမ်ဆိုင်ကလေး တိုးပွားစည်ပင်စေဖို့ ကြိုးစားနေရသည့်ကြားမှပင် စုငွေမဲစနစ်ကို အာရုံကျမိတော့တာဖြစ်သည်။ တစ်နေ့လျှင်တစ်ထောင်ကျပ်နှုန်း နေ့စဉ်ထည့်ဝင်ကြရသည်။ အစုဝင်ဦးရေက ဆယ်ဦးပါဝင်ပါသည်။ စုစုပေါင်းကြာမြင့်မည့် ငွေစုကာလမှာ ရက်တစ်ရာတိတိဖြစ်သည်။ ကိုယ့်ပေါက်မဲ နံပါတ်က ငယ်လျှင် အစုဝင်ဆယ်ဦး၏ ဆယ်ရက်စာစုငွေ တစ်သိန်းကြီးများတောင် စောစီးစွာ သုံးစွဲခွင့်ရမှာမို့ မက်မောချင်စရာပေ။ တင်လေးအတွက် တရုတ်တီဗွီ၊အောက်စက် ၀မ်းဆက်ကလေး ၀ယ်ပေးနိုင်မည့်အပြင် ဆိုင်အတွက်လည်း အရင်းအနှီးကလေး နည်းနည်း ထပ်ဖြည့်နိုင်ဦးမည်ဟု မွန်တစ်ယောက် စိတ်ကူးတယဉ်ယဉ်။ သို့ပေမယ့် ပေါက်မဲ နံပါတ်က ရှစ် ဆိုပါလား။ မွန် နည်းနည်းတော့ စိတ်ပျက်မိခဲ့သေးသည်။ သို့ပေမယ့် ရက်ရှစ်ဆယ်ဆိုတာ ဘယ်လောက် ကြာတာမှတ်လို့။ တစ်နေ့ကုန်လွန်ပြီးတိုင်း တစ်ရက်ပို နီးကပ်လာပြီဟု ညီအစ်မ နှစ်ဦးသား အားတင်းကြရသည်။ ခုတော့…
``မွန်မွန်လည်း ဒီကရတဲ့ငွေနဲ့ ညီမလေးကို တီဗွီဝယ်ပေးမှာပဲ မဟုတ်လား။ ပြန်ယူလိုက်ပါလား”
                        အခြေအနေက အန်တီအေးထံမှ တစ်ပတ်ရစ်ကို ငြင်းပယ်မိလျှင် ဒီတစ်သက် တင်လေးအတွက် ကိုယ်ပိုင်တီဗီ၊အောက်စက်ပိုင်ဆိုင်ခွင့်ရဖို့ လမ်းမမြင်တော့ပေ။
                        မွန်မွန်တို့၏ စုငွေအုပ်စုခေါင်းဆောင်က အန်တီအေးဖြစ်ပါသည်။ အန်တီအေးသည် မိခင်၊သားသမီးသုံးယောက်တို့နှင့်အတူ ရုန်းကန်ရင်း အိမ်ကြီးမှသည် တဲသာသာ အိမ်ကလေးဖြစ်ခဲ့ပြီ။ ဒါပေမယ့် ငွေရေးကြေးရေးကိစ္စမှာတော့ ဘယ်အခါမှ ကတိမပျက်သူအဖြစ် နာမည်ဂုဏ်သတင်း မွှေးလွင့်ဆဲပါပင်။
            ခုတစ်ကြိမ်မှာတော့ အပတ်စဉ်ထိန်းသိမ်းထားရသော စုငွေတွေကို အလှည့်ကျသူအား ထုပ်မပေးနိုင်တော့ပြီ။
“အငယ်ကောင်လေး သွေးလွန်တုတ်ကွေးဖြစ်လိုက်တာလေ။  အန်တီအေးလည်း ကိုယ့်ဟာကိုယ် လုံးချာလိုက်ပြီး ကလေးကို ဂရုမစိုက်အားတော့ လွန်မှသိတယ်။ ပစ်လိုက်ရပြီ အောက်မေ့တာ။ စိတ်တွေလည်းပူ၊ ငွေတွေလည်းကုန်…ဟူး။ မွန်မွန့်အလှည့်ရောက်မှ ဖြစ်ရတယ်ကွယ်”
                        အန်တီအေးကတော့ အပူရုပ်ကို မွန်မွန်…မရိပ်မိ၊ အားမနာရလေအောင် ဖုံးဖိလျှက် ကြည်ကြည်သာသာဟန်နှင့်ပေ။ ဒါပေမယ့် အန်တီအေး၏ သားသမီး သုံးယောက်ကတော့ တီဗွီရှေ့က ဖယ်ခွာသွားတော့မည့်ဟန် မပြကြပါ။ တင်လေးတို့နှင့် သက်ရွယ်တူလောက်ရှိမည့် အကြီးမလေးက ဟိန်းဝေယံပါဝင်သော မြန်မာဇာတ်ကားကို စက်ထဲ လုထည့်နေသည်။ ဆယ်နှစ်သာသာ ကောင်ကလေးက အောင်လသီချင်းနားထောင်ရအောင်ဟု အတိုက်အခံလုပ်နေသည်။ ငြင်းခုန်တွန်းထိုးနေကြရင်း ရီမုကလေးခမျာ သူ့လက်၊ ငါ့လက် ချာချာလည်နေဆဲ။ ငါးနှစ်သားအရွယ် အန်တီအေး၏ သားငယ်လေးကတော့ သူ့အမေအနားမှာ ရစ်သီကာ မွန့်မွန့်အား အကဲခပ်နေသည်။ မွန်မွန်က ပြုံးပြလျှက်..
“ သားကရော…။ ဘယ်ကားတွေ ကြိုက်တာလဲ”
“ပါဝါရိန်ဂျား”
                         အန်တီအေးကတော့ စိတ်ပိုင်းဖြတ်ထားပြီးသူ တစ်ယောက်နှယ်ပင်။
“ ကဲ…အဲဒီ တီဗွီကို ပိတ်လိုက်ကြတော့”
                        မွန့်မွန့်မျက်နှာ နွေးခနဲပူသွားသည်။ ဒါပေမယ့် သူတို့လေးတွေလည်း ကြိုတင်သိထားနှင့်ပြီးသား ဖြစ်ပုံရပါသည်။ တီဗီနှင့် အောက်စက်တို့ကို ပါဝါအော့ဖ်ပစ်လိုက်ကြကာ မျက်နှာပျက်ပျက်၊ မကျေနပ်ဟန် အထင်းသားနှင့်ပင် နောက်ဆုတ် ငြိမ်သက်နေကြသည်။
“အဲ… အန်တီအေးပဲ ထုပ်ပိုးပေးပါနော်။ နေဦး မွန်…ဆိုက္ကားထွက်ငှားလိုက်မယ်။ ဆိုက္ကားဆရာကိုပဲ အကူညီတောင်းပြီးလုပ်ခိုင်းလိုက်မယ်”
                        လမ်းမပေါ်တက်မိရုံနှင့် ခပ်လှမ်းလှမ်းဆီမှာ နင်းလာနေသော ဆိုက္ကားတစ်စီးကို အလွယ်တကူရရှိလေသည်။ တစ်ရပ်ကွက်တည်းသားချင်းတွေမို့ မျက်မှန်းလည်း တန်းနေမိပြီးဖြစ်ရာ အဆင်ပြေသွားသည်ဆိုရမည်။
                         သို့သော် အန်တီအေး၏အိမ်ရှေ့သို့ ပြန်ရောက်သည်နှင့်တပြိုင်နက် ဆူပူငိုယိုသံတချို့က ဆီးကြိုနေနှင့်တော့သည်။ အန်တီအေး၏မိခင်ကြီးလည်း မြေးများ၏အနားသို့ ပြန်ရောက်နေခဲ့ပြီ။
“ဟင့်အင်း..။ မယူရဘူး။ သားတို့တီဗွီကြီးကို သူမယူရဘူး”
အိမ်ပေါ်သို့ လှမ်းတက်မည့်ဆဲဆဲ မွန့်ခြေလှမ်းများ တုန့်ခနဲ ရပ်တန့်သွားရပါသည်။ အကြီးမကလေးက မွန့်ကိုလှမ်းအမြင်မှာ မျက်နှာငုံ့လွှဲလျှက် အတွင်းခန်းဆီ ၀င်ရောက်ပျောက်ကွယ်သွားတော့ပြီ။ အလတ်ကောင်ကလေးကတော့ ရှုတည်တည်၊ မှုန်တေတေ။ အငယ်လေးကတော့ မျက်ရည်စတချို့ ပေးလူးနေလျှက်ပေ။ ဖြစ်နိုင်လျှင် မွန်နောက်လှည့်ပြန်ချင်ပြီ။ ဒါပေမယ့် တင်လေး၏မျက်နှာကလေး။ သူလည်း အရွယ်ရောက်ပြီး မိန်းကလေးတစ်ယောက်မို့ သူတပါးအိမ်မှာ မျက်နှာငယ်ခံချင်မည်မထင်။ အမေ့ကိုလည်း လပြည့်လကွယ်ရက်တွေမှာ ပရိတ်တရားတော်၊ ပဌာန်းတရားတော်တွေကို အေးအေးလူလူ နာယူစေချင်သေးသည်။ သည်တစ်ကြိမ်မှ မ၀ယ်ဖြစ်ပြန်လျှင် နောက်ကာလတစ်ခုထပ်စောင့်ရမှာ ဘယ်လောက်ကြာမည်မခန့်မှန်းနိုင်။ တွေဝေမနေမိစေနဲ့ မွန်မွန်။
 မွန်သည် မောင်နှမသုံးယောက်ကို မျက်နှာလွှဲလျက် ဇွတ်ပင်မာန်တင်းကာ ဆိုက္ကားဆရာအား လက်ညှိုးစေညွှန်မိတော့ပြီ။
“မလုပ်နဲ့။ အဲဒါသားတို့တီဗွီ၊ မလုပ်နဲ့ဆို ……အီး”
“သားငယ်နော်။ အဲလိုမလုပ်ရဘူး။ မေမေရိုက်မှာ”
                        အန်တီအေး၏ အသံတွေ တုန်ခိုက်အက်ကွဲနေတာ မွန်မွန် သတိမပြုမိစနဲ့။ ဒါပေမယ့်…
“ဟင့်အင်း။ သူတို့ကိုရိုက်။ သားတို့တီဗွီကိုလာယူနေတယ် အီး…….ဟီး။ မယူနဲ့….မယူနဲ့ကွာ….”
                        ဆိုက္ကားဆရာ၏နောက်မှ ပုဆိုးစကို မလွှတ်တမ်းဆုတ်ဆွဲကာ ငိုယိုအော်ဟစ်၊ ခုန်ပေါက်ငြင်းဆန်နေရှာသော ကလေးငယ်သည် မွန်မွန့်အား ပျက်ရယ်လှောင်ပြောင် နေတော့သလို မွန်မွန်…ရှက်လန့်လို့လာသည်။ ဆိုက္ကားဆရာသည်ပင် ရှေ့ဆက်တိုးရ ကောင်းနိုးဖြင့် မွန်မွန့်ထံ လှမ်းကြည့်နေပြီ။
                        မွန်မွန်သည် ကလေးငယ်၏ အနီးမှာ ထိုင်ချလိုက်မိတော့သည်။ ကလေးက မွန်မွန့်အား ရန်သူတစ်ယောက်လို သတ်မှတ်နားလည်လိုက်ပြီ ထင်၏။ သူ့အမေက အော်ဟစ်ဟန့်တားနေသည့်ကြားမှပင် မွန်မွန့် မျက်နှာကို ရိုက်နှက် ကုတ်ခြစ်သည်။ ဆံပင်စတွေကိုပါ ဆောင့်ဆွဲယူနေပြန်တော့သည်။
`` မလာနဲ့ …သွား´´
                        မွန်မွန်သည် သူကလေးအား ဇွတ်ပင် တင်းကျပ်စွာ ပွေ့ဖက်ဖျစ်ညှစ်လိုက်မိတော့သည်။ သူ…မောသွားသလား။ ဒါမှမဟုတ် မွန်မွန့် မျက်ဝန်းမှ မျက်ရည်ကြည်ပါးပါးကို မြင်တွေ့နားလည်သွားခဲ့သလား မသိ။ ရုန်းကန်အော်ဟစ်ခြင်းတွေ လျော့သွားသည်။ မွန်မွန်ကလည်း သူ့မျက်ရည်တွေကို ညင်သာစွာသုတ်ဖယ်ပေးအပြီး ပါးချင်းအပ်လိုက်မိတော့ မျက်ဝန်းတောက်တောက်ကလေးတွေ ထောင့်ကပ်ကာ ငြိမ်သက်အကဲခပ်နေပြန်သည်။
                   ဒီကလေးတွေ အိမ်မှာ မရှိချိန် နေ့လည်ခင်းကျမှတစ်ခေါက်ပြန်လာလျှင်ပိုလို့အဆင်ပြေမည်ထင်သည်။ ဒါပေမယ့််သူတို့တတွေ ကျောင်းကပြန်ရောက်ရောက်ချင်း ဧည့်ခန်းထဲက တီဗီဆီ အလုအယက်ပြေးကြည့်ကြမှာပဲ။ သည်အခါဝမ်းနည်းကြမည်လား။ မွန်မွန့်အား လှမ်းကျိန်ဆဲကြမည် ထင်သည်။ အမေ… မွန်မွန် ဘာလုပ်ရမလဲ။
``မမွန် ကတိလည်း မတည်ဘူးကွာ…သွား´´
                        တင်လေး စိတ်ကောက်ဦးတော့မည်ဟူသော အတွေးကို ချက်ချင်း ခေါင်းခါ ထုတ်ပစ်လိုက်ရသည်။
                        ကလေးငယ်နှင့်အတူ ကျီစယ်ရယ်မောနေမိရင်း တင်လေးနားဝင်အောင် အချိန်ယူ ချော့မော့ ပြောပြရမည့် စကားတွေက အတွေးမှာ အစီအရီပေါ်ပေါက်လာခဲ့သည်။ တို့တတွေ မော့သောက်ရမယ့် ပျော်ရွှင်ကျေနပ်မှုမှာ တခြားတပါးသူတွေရဲ့ သောကနဲ့ မျက်ရည်တွေ ရောနှောပါဝင်နေမယ်ဆိုရင် သွန်ချပစ်ခဲ့ဖို့ ၀န်မလေးလိုက်ပါနဲ့ ညီမလေးရယ်။        ။

                                                                                      သတိုး