Tuesday 16 August 2011

အလွမ်းကဗျာ

လင်းဒီပ
၂၃.၁၁.၀၈


 ဟိုးဝေးဝေးက
တိုက်တန်းတွေ သစ်ပင်နဲ့ ကွင်းပြင်စိမ်းစိမ်းတွေ ငေးကြည့်
... မိုးရေစက်တွေနဲ့စိုလက်နေတဲ့လမ်း
ကလေးကို ငေးကြည့်
လူတချို့ လမ်းလျှောက်သွားတာ ငေးကြည့်
ဘာမှ မတွေ့ဘူး


စိတ်ထဲ ဆာလောင်နေတဲ့အရာ
အပြုံး…စကားသံ
သူမ ပြောသမျှစကား
နေကောင်းလား ဆိုတာလေးက အစ
နားဝင်ချိုနေတတ်တာ
သူမ ပျားရည်နှုတ်ခမ်းလေး လွမ်းလိုက်တာ

မျက်လုံးတွေက စပြုံးတာပဲဖြစ်ဖြစ်
နှုတ်ခမ်းတွေက စပြုံးတာပဲဖြစ်ဖြစ်
သိပ်အရေးမကြီးဘူး
ကိုယ်က ချစ်ခြင်းကို သင်ယူဖို့ရာမှာ အတော်လေး ဥာဏ်ထိုင်းတယ်
စကားတတ်စ ကလေးတစ်ယောက်လိုပါပဲ..
ချစ်တယ်ကွယ် လို့ပဲ ခဏခဏ ရွတ်ဆိုချင်နေတော့တာ

လွမ်းလို့ပါကွယ်
ဘာဘာညာညာ မသေချာ မရေရာခြင်းတွေနဲ့
ဘဝကို ရှည်ကြာဆွေးမြေ့အောင် ဖြုန်းတီးနေမယ့်အစား
လာသာလာခဲ့ပါကွယ်
ချစ်ခြင်းမှာ ပြဿနာများစွာရှိတယ် ဆိုရင်လည်း သူတို့ပါခေါ်လာခဲ့
(လူသာလာပါ ပြဿနာ ခေါ်မလာပါနဲ့ ဆိုပြီး ချစ်ခြင်းပေါ် ဆက်ဆံရေး မကျဲပါရစေနဲ့)

အလွမ်းဆိုတာ
ကြာရှည် စွဲသောက်လို့မကောင်းတဲ့ဆေးခါး
လူကို ဖြေးဖြေးချင်း ချည့်နဲ့သွားစေတဲ့ အတွင်းဒဏ်
ဆေးသောက်လို့လည်း မရ..ပစ်ထားရင်လည်း မဖြစ်ပြန်…

ဆိုတော့လေ
ရင်ထဲက စိတ်သွားတိုင်း ရှည်လျားဖားဝေနေတတ်တဲ့အလွမ်းတွေ
ကို
အချိန်မီ ရိတ်သိမ်းပါတော့ချစ်သူရယ်..


လင်းဒီပ
၂၃.၁၁.၀၈

Source:>>>>>http://goo.gl/pdmi​H

No comments: