ဒီနေ့ဖတ်စရာ သတင်းများ ( အောက်တိုဘာလ 9 ရက် 2011 ခုနှစ် )

by Burma Thwe on Sunday, October 9, 2011 at 11:14am

နိုင်ငံရေးအကျဉ်းသား ရက်ပိုင်းအတွင်းလွတ်နိုင်ဟု ဦးရွှေမန်းပြော

By ဗွီအိုအေ (မြန်မာဌာန) စနေ, 08 အောက်တိုဘာ 2011

မြန်မာနိုင်ငံမှာ ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေးအကျဉ်းသားတွေကို လွှတ်ပေးဖို့ကိစ္စ မကြာခင် ရက်ပိုင်းအတွင်း အကောင်အထည် ပေါ်ပါလိမ့်မယ်လို့ ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောလိုက်ပါတယ်။

မြန်မာနိုင်ငံကို ရောက်ရှိနေတဲ့ နော်ဝေ ဒုတိယ နိုင်ငံခြားရေးဝန်ကြီး မစ္စတာ Espen Barth Eide နဲ့ အောက်တိုဘာလ ၇ ရက်နေ့က နေပြည်တော်မှာ တွေ့ဆုံစဉ်မှာ သူရဦးရွှေမန်းက အခုလို ပြောဆိုလိုက်တာဖြစ်ပါတယ်။

“မကြာခင်ရက်ပိုင်းအတွင်းမှာ အကောင်အထည်ဖော်ပါမယ်။ မကြာခင် ရက်ပိုင်းအတွင်းပေါ့။”

မြန်မာနိုင်ငံမှာ နိုင်ငံရေးအကျဉ်းသား မရှိဘူးလို့ အစိုးရကပြောဆိုပေမဲ့ နိုင်ငံရေးအကျဉ်းသား နှစ်ထောင်ကျော် အကျဉ်းထောင်တွေထဲမှာ ရှိနေပြီး သူတို့ကို အမြန်ဆုံး ပြန်လွှတ်ပေးဖို့ လူ့အခွင့်အရေး အဖွဲ့အစည်းတွေနဲ့ ကုလသမဂ္ဂ အပါအ၀င် နိုင်ငံတကာ အသိုင်းအ၀ိုင်း       က တောင်းဆိုနေကြတာဖြစ်ပါတယ်။

နော်ဝေနိုင်ငံ ဒုတိယ နိုင်ငံခြားရေးဝန်ကြီး Espen Barth Eide နဲ့အဖွဲ့ဟာ အောက်တိုဘာလ ၆ ရက်ကနေ ၉ ရက်နေ့အထိ မြန်မာနိုင်ငံမှာ ရှိနေပြီး မနေ့က စနေနေ့ကတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ၂ နာရီခန့်ကြာ တွေ့ဆုံဆွေးနွေးခဲ့ပါတယ်။ အဲဒီမတိုင်ခင်ကတော့ နိုင်ငံခြားရေးဝန်ကြီး ဦးဝဏ္ဏမောင်လွင်နဲ့ နေပြည်တော်မှာ တွေ့ဆုံခဲ့ပါတယ်။

ထူးခြားမှုမရှိရင် နှုတ်ထွက်မယ်လို့ ရခိုင်ဝန်ကြီး ပြောဆို

2011-10-08   RFA

ရန်ကုန်တိုင်းဒေသကြီး အစိုးရအဖွဲ့မှာ ပါဝင်တဲ့ ရခိုင် တိုင်းရင်းသားရေးရာ ဝန်ကြီး ဦးဇော်အေးမောင်က သူ့အနေနဲ့ အခုအချိန်အထိ လုပ်ပိုင်ခွင့် ဘာမှမရရှိဘဲ တကယ်လို့ နောက်ထပ် ၆ လ စောင့်ကြည့်လို့မှ ထူးခြားမှု မရှိရင် ဝန်ကြီးအဖြစ်က နှုတ်ထွက်မယ်လို့ ဒီကနေ့ ပြောလိုက်ပါတယ်။

ဒီအခြေအနေတွေကြောင့် သူ့အနေနဲ့ တိုင်းဒေသကြီးအစိုးရ ဝန်ကြီးရာထူးကနေ နှုတ်ထွက်မှာဖြစ်ပေမယ့် လွှတ်တော်အမတ်တဦး အနေနဲ့တော့ ဆက်လက် ရပ်တည်မယ်လို့ ဦးဇော်အေးမောင်က ပြောပါတယ်။

“ကျနော် အခု ၆ လရှိပြီ၊ ကျနော် ခံစားရတာ မခံစားနိုင်တော့ဘူး။ နောက် ၆ လ မထူးရင် နှုတ်ထွက်တော့မယ်။ ဖွဲ့စည်းပုံကိုင်ပြီး ကျမ်းကျိန်ပြီး လုပ်တဲ့ အစိုးရအဖွဲ့က ဖွဲ့စည်းပုံကို မလိုက်နာတော့ ကျနော်က နစ်နာနေရတယ်။ အဲဒီတော့ ကျနော်လည်း ကြာကြာမခံနိုင်ဘူးလေ။ ဖွဲ့စည်းပုံ အခြေခံဥပဒေကြီးကို လေးစား လိုက်နာသင့်တယ်လို့ ထင်ပါတယ်။ မလေးစား မလိုက်နာရင်တော့ ကျနော်လည်း မလုပ်ချင်တော့ဘူး”

ဦးဇော်အေးမောင်ဟာ ရခိုင်တိုင်းရင်းသားများ တိုးတက်ရေးပါတီ RNDP ကနေ ရန်ကုန်တိုင်းဒေသကြီးမှာ ရွေးချယ်ခံခဲ့ရပြီး ရန်ကုန်တိုင်းဒေသကြီး အစိုးရအဖွဲ့မှာ ရခိုင်တိုင်းရင်းသားရေးရာ ဝန်ကြီးအဖြစ် တာဝန် ထမ်းဆောင်နေပါတယ်။

စာနယ်ဇင်းလွတ်လပ်ခွင့် ပိုမိုတိုးတက်လာမည် ဟု စာပေစိစစ်ရေး ညွှန်မှူးပြော

2011-10-08   RFA

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ပတ်သက်တဲ့ သတင်း၊ ဆောင်းပါးနဲ့ ဓာတ်ပုံတွေကို အရင်ကလို တင်းကြပ်တဲ့ ကန့်သတ်ချက်တွေ မထားတော့ဘဲ ပြည်တွင်းထုတ် သတင်းစာစောင်တွေမှာ လွတ်လပ်စွာ ဖော်ပြခွင့်ပြုနေပြီဖြစ်ကြောင်း မြန်မာနိုင်ငံ စာပေစိစစ်ရေးနဲ့ မှတ်ပုံတင်ဌာန အကြီးအကဲက ပြောကြားလိုက်ပါတယ်။

ပြန်ကြားရေးဝန်ကြီးဌာန စာပေစိစစ်ရေးနဲ့ မှတ်ပုံတင်ဌာန ညွှန်ကြားရေးမှူး ဗိုလ်မှူးဟောင်း ဦးတင့်ဆွေကို RFA လွတ်လပ်တဲ့အာရှအသံက သီးသန့် ဆက်သွယ်မေးမြန်းရာမှာ အခုလို ပြောကြားလိုက်တာ ဖြစ်ပါတယ်။

စာပေစိစစ်ရေးဌာန အနေနဲ့ လောလောဆယ်မှာ ၁၉၆၂ ခုနှစ် စာနယ်ဇင်းဥပဒေကို အခြေခံထားတဲ့ စည်းမျဉ်းစည်းကမ်း၊ လုပ်ထုံးလုပ်နည်း ၁၂ ချက်နဲ့ တိုက်ဆိုင်စစ်ဆေးပြီး ဆင်ဆာ ဖြတ်တောက်နေတယ်လို့ ဆိုပါတယ်။ မြန်မာနိုင်ငံဟာ ဒီမိုကရေစီစနစ်ကို ကူးပြောင်းနေပြီ ဖြစ်တဲ့အတွက် ခေတ်နဲ့လျော်ညီအောင် စာပေစိစစ်ရေးဌာနကို မထားရှိသင့်ဘူးလို့ ထင်မြင်ယူဆကြောင်းလည်း ဦးတင့်ဆွေက ပြောပါတယ်။

မြန်မာနိုင်ငံမှာ အပတ်စဉ်ထုတ် ဂျာနယ်နဲ့ လစဉ်ထုတ် မဂ္ဂဇင်း စုစုပေါင်း ၄ ရာနီးပါး ရှိပြီး ဖျော်ဖြေရေး၊ ကျန်းမာရေး၊ နည်းပညာ၊ အားကစား စတဲ့ အကြောင်းအရာတွေ ဦစားပေး ထုတ်ဝေတဲ့ ဂျာနယ်၈၂ စောင်နဲ့ မဂ္ဂဇင်း ၉၆ စောင်ကို စာမူ ကြိုတင် ပြစရာမလိုတော့တဲ့ ပထမအုပ်စုအဖြစ် ပြီးခဲ့တဲ့ ဇွန်လက စတင် ခွင့်ပြုခဲ့ပါတယ်။ သတင်းနဲ့ နိုင်ငံရေး၊ စီးပွားရေး၊ ဘာသာရေး၊ မှုခင်း စတဲ့ ကျန် ဒုတိယအုပ်စုဝင် ဂျာနယ် ၉၄ စောင်နဲ့ မဂ္ဂဇင်း ၈၆ စောင်ကိုလည်း များမကြာမီမှာ စာမူတင်ပြစရာ မလိုဘဲ ထုတ်ဝေခွင့်ပေးဖို့ အစီအစဉ် ရှိကြောင်းလည်း ဦးတင့်ဆွေက ပြောသွားပါတယ်။

ဟိုပင်ဘူတာအနီး ဗုံးကွဲ၊ သံလမ်းပျက်စီး

2011-10-08  RFA

ပြီးခဲ့တဲ့သောကြာနေ့ ညဦးပိုင်းက ဟိုပင်မြို့ ဘူတာရုံအနီးမှာ ဗုံးပေါက်ကွဲတဲ့အတွက် ရထားလမ်း အနည်းငယ် ပျက်စီးသွားတယ်လို့ သိရပါတယ်။

ဗုံးပေါက်ကွဲတဲ့ နေရာကို ကိုယ်တိုင် သွားကြည့်ခဲ့တဲ့ မြို့ခံတယောက်က သံလမ်းတချို့ ပျက်စီးနေတာ မြင်ခဲ့ရတယ်လို့ RFA ကို ပြောပြပါတယ်။

“ဘူတာကြီးတောင်ဘက် ဈေးကြီးရဲ့ အရှေ့ဘက်မှာ ည ၇ နာရီ ၄၅ မိနစ်မှာ ဖြစ်တယ်။ ဗုံးကွဲတဲ့နေရာ သံလမ်းတဖြတ်လောက် ပျက်စီးသွားတယ်။ ခုမနက်အထိ ပြင်နေတုံးပဲ။ ၁ဝ ပေ ၁၅ ပေလောက် သံလမ်း ပျက်စီးသွားတယ်။ ဘူတာကြီးနဲ့ ကိုက် ၈ ရာ ၁ ထောင်လောက် ဝေးတယ်”

သံလမ်း ပျက်စီးသွားပေမယ့် လူသူထိခိုက်မိတာတွေတော့ မရှိဘူးလို့ သိရပါတယ်။ ဗုံးဖောက်ခွဲမှုတွေ ရှိလာနိုင်ကြောင်း လုံခြုံရေးအာဏာပိုင်တွေ သတိပေးထားတဲ့ ကြားက ပေါက်ကွဲတာဖြစ်တယ်လို့ သူက ဆက်ပြောပြပါတယ်။

“မြို့လယ်ကောင် မီးသတ်ရုံးကနေ လော်စပီကာနဲ့ အော်ထားတာ။ ည ၆ နာရီကနေ မနက် ၆ နာရီအတွင်း ဟိုပင်မြို့ ဘေးပတ်ဝန်းကျင် သံလမ်းဘေးတွေ မထွက်ရ မသွားလာရလို့ အမိန့်ထုတ်ထားတာ ၇ ရက်တောင် မပြည့်သေးဘူးဗျာ မိုင်းကွဲတာ။ ဗုံးကွဲတော့ ဟိုပင်မြို့အဝင်တံတားမှာ စောင့်တဲ့ စစ်သားတွေက သေနတ်သုံးချက် ပစ်တယ်ဗျ၊ အပေါ်ထောင်ပစ်တာ။ အခုမနက် အစောချည်းလည်းပဲ ညတွင်းချင်း ရောက်လားမသိဘူး။ လုံခြုံရေးတွေကတော့ သံလမ်းတံတားမှာ အသေအချာ စောင့်နေတယ်”

ပြီးခဲ့တဲ့လကလည်း ဟိုပင်ဘူတာရဲ့ မြောက်ဘက်မှာ အလားတူ ဗုံးမျိုး ပေါက်ကွဲခဲ့ပါတယ်။ အောက်တိုဘာ ၄ ရက်နဲ့ ၅ ရက်နေ့က နမ္မတီးနဲ့ မိုးကောင်းမြို့ရှိ တံတားနှစ်စင်းမှာ ဗုံးပေါက်ကွဲခဲ့သလို မိုးကောင်းမြို့ပေါ်မှာလည်း ဗုံးကွဲလို့ လူတယောက် သေဆုံးခဲ့တယ်လို့ နမ္မတီးဒေသခံ တယောက်က ပြောပြပါတယ်။

“တံတားညီနောင် တံတားရယ်၊ မိုးကောင်းလွဲလော တံတားရယ်။ တရက်လောက် ရထားတွေ ဘာတွေ ရပ်သွားတယ်။ မန္တလေးဘက်ကလာရင် မိုးကောင်းအဝင် ၂ နေရာပေါ့။ ၅ ရက်နေ့ ည ၁၁ နာရီခွဲ တပြိုင်တည်းနီးပါးပေါ့။ တံတား ၂ စင်းဆိုတော့ ဒီဘက်က ခမရ (၃၈၃) ထိုင်ထားတယ်၊ ဟိုဘက်က ခမရ (၂၆ဝ) ထိုင်ထားတယ်။ ၅ ရက်နေ့ အဲဒီမှာ ကွဲပြီးတော့ ၄ ရက်နေ့ နေ့လည်က မိုးကောင်းတရားရုံးမှာ ကွဲတာ။ နောက်တလုံးက ၄ ရက်နေ့ပဲ။ မိုးကောင်း ကညန ရုံးမှာ ကွဲတာ။ အဲဒီမှာ တယောက်သေတယ်လေ။ မိုင်းလည်း ကွဲရော သူတို့လည်း ရောက်ခဲ့ပြီး ဘယ်သူမှ မကပ်ရဘူးတဲ့။ ယူပြီး တောက်လျှောက် သင်္ဂြိုဟ်လိုက်တော့ ဘာမှ မသိဘူး ဖြစ်သွားတာ”

ဗုံးပေါက်ကွဲမှုတွေနဲ့ ပတ်သက်ပြီး အစိုးရက KIO ကချင်လွတ်လပ်ရေးအဖွဲ့ကို စွပ်စွဲလေ့ရှိတဲ့အတွက် ဒီကိစ္စနဲ့ ပတ်သက်လို့ KIO ကို ဆက်သွယ်မေးမြန်းကြည့်ရာမှာ သူတို့ ဘာမှ မပြောဆိုလိုကြောင်း KIO တွဲဘက် အထွေထွေအတွင်းရေးမှူး-၂ ဦးလနန်က ပြောပါတယ်။

မိုးကြောင့် မြန်မာ့ ဆန်အထွက် လျော့ဖွယ်ရှိ

ကျော်ခ | စနေနေ့၊ အောက်တိုဘာလ ၀၈ ရက် ၂၀၁၁ ခုနှစ် ၁၃ နာရီ ၂၆ မိနစ်

ချင်းမိုင် (မဇ္ဈိမ)။     ။ မိုးဖျက်၍ မြန်မာနိုင်ငံ၏ အဓိက စပါးစိုက်ပျိုးသည့် ဒေသများ အပါအဝင် ပြည်နယ်နှင့်တိုင်း ဒေသကြီးလေးခုတွင် စပါးခင်းများ ထိခိုက် ပျက်စီးမှု ရှိသဖြင့် ယခုနှစ် ဆန်စပါးထွက်နှုန်းမှာ တန်ချိန် ၁.၇ သန်း လျော့နည်းလိမ့်မည်ဟု မြန်မာနိုင်ငံ ဆန်စပါး စိုက်ပျိုးထုတ်လုပ်သူများ အသင်း ဥက္ကဋ္ဌ ဦးစိန်ဝင်းလှိုင်က ခန့်မှန်းလိုက်သည်။

ယခုနှစ် မိုးကာလတွင် ရေကြီးရေလျှံမှုကြောင့် စပါးခင်း အမြောက်အများ ဧရာဝတီတိုင်း၊ ပဲခူးတိုင်း၊ မွန်ပြည်နယ်နှင့် ရခိုင်ပြည်နယ်တို့၌ ပျက်စီးခဲ့ရာ နှစ်စဉ်ပျမ်းမျှ စပါး အထွက်နှုန်းဖြစ်သော တန်ချိန် ၁၇ သန်း၏ ၁ဝ ရာခိုင်နှုန်း လျော့ကျသွားနိုင်သည်ဟု ခန့်မှန်းထားခြင်းဖြစ်သည်။

“ခါတိုင်းနှစ်တွေလည်း ပျက်စီးမှု ရှိပေမယ့်လို့ ဒီနှစ်က ရာသီဥတု ဖေါက်ပြန်မှု တော်တော်ဆိုးတော့ စပါးတွေ ရေနစ် ပျက်စီးမှုတွေက တော်တော်များတဲ့အခါကျတော့ ထွက်နှုန်းက ခါတိုင်းနှစ်တွေထက် ဆုတ်ယုတ်မှု ပိုများတာပေါ့လေ” ဟု မြန်မာနိုင်ငံ ဆန်စပါး လုပ်ငန်းရှင်များအသင်း ဥက္ကဋ္ဌလည်းဖြစ်သူ ဦးစိန်ဝင်းလှိုင်က မဇ္ဈိမသို့ ပြောသည်။

ဇူလိုင်လလယ်မှ စတင်ကာ  စံချိန်တင် ရွာသွန်းခဲ့သည့် မိုးကြောင့် ပျက်စီးဆုံးရှုံးမှု၏ နောက်ဆက်တွဲအဖြစ် ယခုနှစ်အတွက် ပြည်တွင်း၊ ပြည်ပ ဆန်တင်ပို့မှု လျော့နည်းလိမ့်မည် ဖြစ်သော်လည်း ပြည်တွင်းစားသုံးမှု ဖူလုံရေးကိုသာ အဓိက ထားပြီး ပိုလျှံမှသာ နိုင်ငံခြားသို့ ထုတ်ရောင်းသွားမည်ဖြစ်ကြောင်း ပြောသည်။

“ကျနော်တို့ အနေနဲ့ကတော့ ပြည်တွင်း ဖူလုံဖို့ကို အဓိကထားပြီးမှ ပြည်ပပို့ဖို့အတွက် ထွက်ရှိမှုနဲ့ ချိန်ထိုးပြီးတော့ ပို့ကုန်အတွက် စဉ်းစားသွားမှာ ဖြစ်ပါတယ်” ဟု ဦးစိန်ဝင်းလှိုင် က ပြောသည်။

မြန်မာနိုင်ငံ တနိုင်ငံလုံး၏ ဆန်စားသုံးမှုနှုန်းမှာ တနှစ်လျှင် တန်ချိန် ၁၅ သန်းခန့်ရှိသည်။ ၂ဝ၁ဝ ခုနှစ်အတွင်း ပြည်ပ ဆန်တင်ပို့ နိုင်မှုမှာ တန်ချိန် ၈ သိန်းခန့် တင်ပို့နိုင်ခဲ့သော်လည်း ၂ဝ၁၁ ခုနှစ် ဧပြီမှ စက်တင်ဘာထိ တန်ချိန် ၃ သိန်းခွဲသာ တင်ပို့နိုင်သေးသည်။

ထို့ကြောင့် မြန်မာနိုင်ငံ၏ ဆန်အထွက်နှုန်း ကျဆင်းမှု မရှိစေရန်အတွက် ပွင့်လင်းရာသီတွင် စနစ်တကျ စိုက်ပျိုးမှုများ ပြုလုပ်သွားနိုင်ရန် ဌာနဆိုင်ရာများမှတဆင့် တောင်သူလယ်သမားများကို တိုက်တွန်းသွားမည် ဖြစ်သလို ပျက်စီး ဆုံးရှုံးမှုများ မဖြစ်စေရန်အတွက်ကိုလည်း လက်တွေ့ ပညာပေးမှုများ၊ စက်ပစ္စည်း ထောက်ပံ့မှုများ ပြုလုပ်သွားမည်ဟုသိရသည်။

“အရင်တုန်းကတော့ ဆန်စပါးပေါ်တဲ့ အချိန်မှာ သမရိုးကျ လှန်းတာတို့၊ လမ်းပေါ်မှာလှန်းတာတို့ လုပ်ခဲ့တော့ အခုတော့ အထူးတလည် လုပ်ဖို့ပေါ့လေ။ အခြောက်ခံ စက်တွေနဲ့ စနစ်တကျလုပ်ဖို့ ပညာပေး၊ အလေးပေးပြီးတော့ ကျနော်တို့ကနေ ဒါတွေထောက်ပံ့နိုင်အောင် ဦးစားပေးပြီးတော့ လုပ်နေတယ်။ အရင်တုန်းကတော့ ရိတ်သိမ်းချိန်မှာ နည်းပညာ၊ ဘာညာပေါ့ဗျာ။ သာမန်လောက်ပါပဲ။ အခုတော့ ပစ္စည်းတွေပါ တကယ်လက်တွေ့ ထောက်ပံ့ပြီး လုပ်သွားမှာပါ” ဟု သူက ဆက်ပြောသည်။

မြန်မာနိုင်ငံ တနိုင်ငံလုံး၏ စပါးစိုက်ပျိုးမှုနှုန်းမှာ ဧက ၂ဝ.၄၃ သန်းရှိပြီး မိုးစပါး စိုက်ပျိုးမှု ဧကမှာ ၁၇.၂၇ ဖြစ်ကာ နွေစပါး စိုက်ပျိုးမှုနှုန်းမှာ ၃.၁၆ သန်းဖြစ်ကြောင်း မြန်မာနိုင်ငံ ဆန်စပါး စိုက်ပျိုးထုတ်လုပ်သူများ အသင်း၏ မှတ်တမ်းများ အရ သိရသည်။

ယီမင်သမ္မတ နုတ်ထွက်မည်

By ဗွီအိုအေ (မြန်မာဌာန) စနေ, 08 အောက်တိုဘာ 2011

လာမယ့်ရက်ပိုင်းအတွင်း အာဏာစွန့်ဖို့ အဆင်သင့်ရှိနေပြီလို့ ယီမင်သမ္မတ အလီအက်ဘ်ဒူလာ ဆာလေး က ပြောဆိုလိုက်ပါတယ်။ စနေနေ့က အစိုးရ ရုပ်မြင်သံကြားဌာနကနေ အသံလွှင့်ပြောကြားရာမှာ ရာထူးကနေ သူ မကြာခင် ဆင်းပေးတော့မယ်လို့ မစ္စတာ ဆာလေးက ကြေညာသွားတာဖြစ်ပါတယ်။ သူဟာ အာဏာကို မက်မောလိုလားသူမဟုတ်ဘဲ မကြာခင်မှာ အာဏာကို စွန့်လွှတ်သွားမယ်လို့ ယီမင်နိုင်ငံကို ၃၃ နှစ်ကြာ အုပ်ချုပ်လာခဲ့တဲ့ မစ္စတာ ဆာလေးက ပြောပါတယ်။

ဒါပေမဲ့ ဘယ်တော့ အာဏာစွန့်မယ်၊ ဘယ်သူ့ကို ယုံယုံကြည်ကြည် အာဏာလွှဲမယ်၊ ဘယ်လိုလွှဲပြောင်းမယ် ဆိုတာတွေကိုတော့ မပြောပါဘူး။ သူ့နေရာကို ဆက်ခံမယ့်သူဟာ အရပ်သားလည်းဖြစ်ကောင်း ဖြစ်မယ်၊ စစ်ဘက်ကလည်း ဖြစ်ကောင်း ဖြစ်နိုင်တယ်လို့ မစ္စတာ ဆာလေးက ဆိုပါတယ်။ ဒါပေမဲ့ သူ ရာထူးကနေ ထွက်ဖို့အတွက် ၉ လနီးပါးကြာ တောင်းဆိုထားတဲ့ အတိုက်အခံတွေနဲ့တော့ ညှိနှိုင်းဆွေးနွေးမှုတွေ လုပ်မှာမဟုတ်ဘူးလို့ သူက ရှင်းရှင်းလင်းလင်း ပြောပါတယ်။

တိုင်းပြည်ကို ဖျက်လိုဖျက်စီး လုပ်မယ့်သူတွေကို လွှတ်ထားမှာမဟုတ်ဘူးလို့ နိုင်ငံကိုပြောတဲ့ အဲဒီမိန့်ခွန်းမှာ မစ္စတာ ဆာလေးက ပြောသွားတာပါ။

မြို့တော် ဆာနား နဲ့ အခြားမြို့တွေမှာဖြစ်နေတဲ့ လူထုလှုပ်ရှားမှုတွေကတော့ ဆက်ပြီးတော့ ရှိနေဆဲပါ။ ဒါကြောင့် အတိုက်အခံ နိုင်ငံရေးအုပ်စုတွေကို ထောက်ခံတဲ့ မျိုးနွယ်စုခေါင်းဆောင်တွေ၊ သူတို့ရဲ့ သစ္စာခံတွေနဲ့ မစ္စတာ ဆာလေးတပ်တွေဟာ လွန်ခဲ့တဲ့ သီတင်းပတ်တွေအတွင်းကတည်းက တိုက်ပွဲတွေ ဖြစ်နေပါတယ်။

အခုလို သူ အာဏာစွန့်တော့မယ်ဆိုတဲ့ လက္ခဏာပြတာဟာ ဧပြီလကတည်းကဆိုရင် သုံးကြိမ် ရှိခဲ့ပါပြီ။ ပင်လယ်ကွေ့ ၆ နိုင်ငံပါ GCC အဖွဲ့က ကြားဝင်စေ့စပ်တဲ့ အာဏာလွှဲပြောင်းရေး အစီအစဉ်ကို သဘောတူဖို့ အတွက် သူ အကြိမ်ကြိမ် လက်ခံပြီးတော့မှ နောက်ဆုံးအဆင့် လက်မှတ်ထိုးရမယ့် အကြိမ်တိုင်းမှာ မစ္စတာ ဆာလေးဘက်က နောက်ဆုတ်သွားခဲ့တာဖြစ်ပါတယ်။

GCC ရဲ့ အစီအစဉ်ထဲမှာတော့ သူ့ရဲ့ ဒုတိယ သမ္မတကို အာဏာလွှဲပေးဖို့ဖြစ်တယ်လို့ ညီညွတ်တဲ့အမျိုးသား တပ်ပေါင်းစု အစိုးရတစ်ရပ် ဖွဲ့ရေးကိစ္စကို မစ္စတာ ဆာလေးကို ပင်လယ်ကွေ့ ၆ နိုင်ငံပါ အဖွဲ့က တောင်းဆိုပါတယ်။ မကြာခင်ကပဲ နိုဘဲလ်ငြိမ်းချမ်းရေးဆုရှင် Tawakkul Karman အပါအ၀င် အခိုက်အခံတွေကတော့ မစ္စတာ ဆာလေးရဲ့ ကြေညာချက်ကို သံသယရှိနေကြပါတယ်။

နိုဘဲလ်ငြိမ်းချမ်းရေးဆုရှင် လွှတ်ဖို့ တရုတ်ကို အမေရိကန် တောင်းဆို

By ဗွီအိုအေ (မြန်မာဌာန) စနေ, 08 အောက်တိုဘာ 2011

တရုတ်နိုင်ငံအနေနဲ့ မနှစ်က နိုဘဲလ်ဆုရခဲ့တဲ့ တရုတ်အတိုက်အခံ လူရှောင်ဘို (Lui Xiabo) ကို အကျဉ်းချ ထားရာကနေ ပြန်လွှတ်ပေးဖို့ အမေရိကန်နိုင်ငံက ထပ်မံ တောင်းဆိုလိုက်ပါတယ်။ ကမ္ဘာ့နိုဘဲလ်ငြိမ်းချမ်းရေးဆု ကော်မတီက ဒီနှစ်ဆုရှင်တွေကို မနေ့က ကြေညာအပြီးမှာ အမေရိကန် နိုင်ငံခြားရေးဝန်ကြီးဌာန ပြောခွင့်ရှိသူ ဗစ်တိုးရီးယား နျူလန် က အခုလို တောင်းဆိုလိုက်တာပါ။

တရုတ်အစိုးရအနေနဲ့ လူရှောင်ဘို ရဲ့ဇနီးကို အနှောက်အယှက်ပေးတာတွေ ရပ်တန့်ပေးဖို့နဲ့ တရုတ်ကပေးထားတဲ့ နိုင်ငံတကာ လူ့အခွင့်အရေးကတိတွေကို ထိန်းသိမ်းပေးဖို့ကိုလည်း ပြောခွင့်ရှိသူ နျူလန်က တိုက်တွန်း လိုက်ပါတယ်။

လူရှောင်ဘိုဟာ ဒီမိုကရေစီရေး စာတမ်းတစ်ခုကို ပူးတွဲရေးခဲ့တာကြောင့် ၂၀၀၉ ခုနှစ်မှာ အစိုးရကို ပုန်ကန်မှုနဲ့ ထောင်ဒဏ် ၁၁ နှစ် ချမှတ်ခံခဲ့ရပါတယ်။ သူဟာ မနှစ်က အောက်တိုဘာမှာတော့ ပထမဆုံး နိုဘဲလ်ဆုရတဲ့ တရုတ်နိုင်ငံသား ဖြစ်လာခဲ့ပါတယ်။ လူ့အခွင့်အရေးအဖွဲ့တွေကတော့ လူရှောင်ဘိုရဲ့ အမျိုးသမီး လူရှီယာ (Liu Xia) ဟာ အစိုးရရဲ့ သီးသန့် ချုပ်ချယ်မှုကို မနှစ်က အောက်တိုဘာလကတည်းက ခံနေရတယ်လို့ ဆိုပါတယ်။

မြန်မာ့စာနယ်ဇင်း လွတ်လပ်ခွင့် အလှမ်းဝေးဆဲ

By သင်းသီရိ   /  စနေ, 08 အောက်တိုဘာ 2011

မြန်မာနိုင်ငံရဲ့ လက်ရှိ အခြေအနေမှာ စစ်မှန်တဲ့ စာနယ်ဇင်းလွတ်လပ်ခွင့် အလားအလာ မတွေ့ရသေးဘူးလို့ စာပေအသိုင်းအ၀ိုင်းထဲက သူတွေက ပြောကြပါတယ်။ ပြန်ကြားရေးဝန်ကြီးနဲ့ စာပေစိစစ်ရေးအရာရှိတို့က သတင်းလွတ်လပ်ခွင့် အလားလာတွေကို ဒီရက်ပိုင်းအတွင်း ပြောနေကြတဲ့အပေါ် ပြည်တွင်း စာနယ်ဇင်း သမားတွေက သူတို့မြင်နေတဲ့ အခြေအနေတွေကို တုံ့ပြန် ပြောဆိုကြတာဖြစ်ပါတယ်။ ၀န်ကြီးက ဘာတွေပြောခဲ့ပြီး လက်တွေ့ဖြစ်နေတဲ့ အခြေအနေက ဘယ်လိုလဲ ဆိုတာကို မသင်းသီရိက စုစည်းတင်ပြထားပါတယ်။

ဒီမိုကရေစီစနစ်ကိုသွားနေတဲ့ နိုင်ငံမို့ နောက်ဆုံးမှာ စာအုပ်စာစောင်အားလုံးဟာ ထုတ်ဝေပြီးမှ တင်ပြတဲ့စနစ်ကိုသွားမယ်လို့ ပြန်ကြားရေးဝန်ကြီး ဦးကျော်ဆန်းက လွှတ်တော်ထဲမှာ ပြောခဲ့သလို ဒါဟာ လွတ်လပ်မှုနဲ့ တာဝန်ယူမှု၊ လွတ်လပ်မှုနဲ့ ဆင်ခြင်တုံတရား သဟဇာတဖြစ်တဲ့အချိန်မှာလို့ ဆိုတဲ့အတွက် ဒီအချိန်ကို ဘယ်တော့ သတ်မှတ်မလဲ၊ ဘယ်လိုအနေအထားတွေကျမှ သတ်မှတ်မှာလဲ ဆိုတဲ့ မေးခွန်းတွေ ရှိလာတာပါ။

မြန်မာနိုင်ငံမှာ ထုတ်ဝေပြီးမှတင်ပြတဲ့ ထုတ်တင်စနစ်နဲ့ မထုတ်ဝေခင် ကြိုတင်တင်ပြရတဲ့ တင်ထုတ်စနစ် ဆိုပြီး အမျိုးအစားနှစ်ခု ခွဲခြား သတ်မှတ်ထားသလို နောက်ဆုံး အားလုံးဟာ ထုတ်တင်စနစ်ဖြစ်မယ်လို့ ဆိုပေမဲ့ ဒီ ထုတ်တင်စနစ်အတွက် ချမှတ်ထားတဲ့ စည်းကမ်းသတ်မှတ်ချက်တွေအရ စာပေစိစစ်ရေးအဖွဲ့ဟာ ဆက်ရှိနေဦးမှာပဲလို့ သတင်းအယ်ဒီတာ ဆရာစည်သူအောင်မြင့်က ပြောပါတယ်။

“သူတို့ပြောနေတဲ့ဟာက အခုလောလောဆယ် ကျနော်တို့ဆီမှာ ပြဌာန်းထားတဲ့ ထုတ်တင်စနှစ်ကို သွားမယ်ဆိုပြီးတော့ ပြောနေတာ။ ထုတ်ဝေတဲ့ဆီမှာလည်း ချမှတ်ထားတဲ့ စည်းမျဉ်းစည်းကမ်းတွေနဲ့အညီ ကိုယ်က ထုတ်ဝေရတယ်။ စာပေစိစစ်ရေးက ဒါကို ကြည့်ပြီးတော့မှ စည်းကမ်းနဲ့ မညီညွတ်ဘူးလို့ သူတို့ ယူဆရင် ဒါကို ခုံရုံးဖွဲ့ပြီးတော့မှ စစ်ဆေးမယ်။ အရေးယူပိုင်ခွင့်လည်း ရှိတယ်။

ဘယ်လိုမျိုး သူတို့က အပြစ်ပေးနိုင်သလဲ ဆိုတော့ ကျပ်ငွေ သိန်း ၅၀ ထက်မပိုတဲ့ ဒဏ်ငွေကို ရိုက်လို့ရတယ်။ အဲဒီဥစ္စာကို ဒဏ်ငွေကို မဆောင်ဘူးဆိုရင် နောက်တစ်ကြိမ် ထပ်ပြီး ထုတ်ဝေခွင့်မရှိဘူး။ ပြီးတော့မှ ဒီထက်ကို လိုအပ်လာတယ်ဆိုရင် တရားရုံးကို ရုံးတင်ပြီးတော့မှ သူတို့ကိုယ်တိုင် တရားလိုလုပ်ပြီးတော့ တရားစွဲတာမျိုးလည်း လုပ်လို့ရတယ်။ ဆိုလိုတာက စာပေစိစစ်ရေးအဖွဲ့ကြီးက ဆက်ပြီးတော့ရှိနေပြီး ဆက်ပြီးတော့ ဒါကိုလုပ်နေမယ် ဆိုတဲ့သဘော။”

ပြီးခဲ့တဲ့ စက်တင်ဘာလ ၂၉ ရက်နေ့မှာ ပြန်ကြားရေးဝန်ကြီးက အခြေခံဥပဒေနဲ့အညီ ဖော်ဆောင်ပေးမယ့် သတင်းမီဒီယာဥပဒေကို ပြင်ဆင်တာ၊   ဖြည့်စွက် ပယ်ဖျက် ပြဌာန်းတာတွေကို လွှတ်တော်ကနေ လုပ်မယ်ဆိုပေမဲ့ လက်တွေ့ဖြတ်သန်းနေရတဲ့ စာနယ်ဇင်းသမားတွေရဲ့ ဒီပြဌာန်းချက်တွေအပေါ် ဝေဖန် အကြံပြုချက်တွေကိုလည်း ထည့်သွင်းစဉ်းစာဖို့ လိုမယ်လို့ ထောက်ပြပါတယ်။

“စာပေစိစစ်ရေးဆိုတာ မရှိသင့်တော့ဘူး။ ကျနော်တို့တွေ လွတ်လွတ်လပ်လပ် ထုတ်ဝေရေးသားမယ်။ တစ်စုံ တစ်ဦး တစ်ယောက်ကို ထိခိုက်တယ်ဆိုရင် အဲဒီ ထိခိုက်တဲ့သူတွေက တရားရုံးမှာ ကျနော်တို့ကို တရားစွဲမယ်။ တရားစွဲတာကို ကျနော်တို့ကလည်း တရားဥပဒေဘောင်ထဲကနေ ရင်ဆိုင်ရမယ်။ ကျနော်တို့ တရားရေး မဏ္ဍိုင်ကို ကောင်းအောင်လုပ်ရမယ်။ အဲဒါမျိုးကို မျှော်လင့်တာ။”

ပြည်တွင်း သတင်းအယ်ဒီတာ ဆရာစည်သူအောင်မြင့် ပြောခဲ့တာပါ။ မြန်မာနိုင်ငံ ကာတွန်းလောကထဲမှာ ဖော်ပြခွင့်ဆင်ဆာ မကြာခဏထိနေတတ်သူ ကာတွန်းဆရာအော်ပီကျယ်ကတော့ -

“အချိန်အတိုင်းအတာ ဆိုတာကိုလဲ မကြိုက်ဘူး။ အချိန်အတိုင်းအတာကို ဘယ်သူက ဆုံးဖြတ်မှာလဲပေါ့။ ထိုက်တန်တယ် မထိုက်တန်ဘူး လူပုဂ္ဂိုလ် တစ်ဦးဦးက သူ့ရဲ့ အတ္တနော်မတိ နဲ့ ဆုံးဖြတ်တာကိုတော့ ကျနော်က မကြိုက်ဘူးပေါ့။ အဲဒါကိုက ဒီမိုကရေစီမကျဘူး။”

ကာတွန်းဆရာအော်ပီကျယ်ရဲ့  သဘောထားဖြစ်ပါတယ်။ အခုလို စာပေစာနယ်ဇင်း အကြီးအကဲတွေက သတင်းလွတ်လပ်ခွင့်နဲ့ပတ်သက်လို့ ပြောလာတာ၊ စဉ်းစားချက်တွေ ရှိလာတာဟာ မြန်မာနိုင်ငံ သတင်းလောကအတွက်   ကောင်းတဲ့အလားအလာ ဖြစ်ပေမဲ့ အမြန် အကောင်အထည်ဖော်ဖို့ လိုတယ်လို့ စာရေးဆရာကျော်ရင်မြင့်က ပြောပါတယ်။

“အခုလက်ရှိ အခြေအနေအရဆိုရင်တော့ လုပ်ရတာခက်နေတုန်းပဲ ရှိသေးတယ်လေ။ အထူးသဖြင့် ဌာနဆိုင်ရာနဲ့ပတ်သက်တဲ့ သတင်းတစ်ပုဒ်ကို ရေးမယ်ဆိုရင် စာပေစိစစ်ရေးဘက်ကလည်း ကျနော်တို့ကို ဌာနဆိုင်ရာရဲ့ သဘောတူမှု၊ ထောက်ခံမှုတွေ တောင်းခိုင်းနေတုန်းပဲ ရှိသေးတယ်။ အလားတူပဲ ဌာနဆိုင်ရာတွေကလည်း သူတို့အကြောင်းတွေကို ရေးမှာကို တအားစိုးရိမ်ပြီးတော့ အမြဲတမ်း ရှောင်နေပုန်းနေပြီးတော့ ၀ှက်နေကွယ်နေတုန်းပဲ ရှိသေးတယ်။

အဲဒီတော့ အခု လက်ရှိအခြေအနေကတော့ လွတ်လပ်ခွင့်ဆိုတာနဲ့ အဝေးကြီး ဝေးနေတုန်းပဲ ရှိသေးတယ်။

စာရေးဆရာကျော်ရင့်မြင့် ဖြစ်ပါတယ်။

မြန်မာ့စာအုပ် စာနယ်ဇင်းလောကကို စာပေစိစစ်ရေးက အရင်တုန်းက အချက် ၂၁ ချက်ရှိတဲ့ စည်းကမ်းချက်တွေ သတ်မှတ်ထားရာကနေ အခု အချက် ၁၂ ချက်နဲ့သာ ပြောင်းလဲ ဆောင်ရွက်နေတယ်လို့ ပြန်ကြားရေးဝန်ကြီးက လွှတ်တော်မှာပြောခဲ့သလို ဒီအချက်တွေဟာ အာဆီယံနဲ့ ကမ္ဘာ့နိုင်ငံအများစုမှာ ကျင့်သုံးနေတဲ့မူတွေကို လေ့လာပြီးမှ နို်င်ငံနဲ့ ကိုက်ညီအောင် ဆောင်ရွက်ထားပါတယ်လို့ ပြောပါတယ်။

ဒါပေမဲ့ ကမ္ဘာ့ သတင်းလွတ်လပ်ခွင့် အဖွဲ့ကြီးတွေကတော့ မြန်မာနိုင်ငံမှာ အရပ်သားအစိုးရ တက်လာတယ်ဆိုပေမဲ့ အရင်ကပိတ်ပင်ထားတဲ့ သတင်းတချို့ ကို ဖော်ပြခွင့်ပေးလာတာကလွဲရင်   သတင်းနဲ့စာနယ်ဇင်း ဖိနှိပ်ထားမှုဟာ ဘာမှ တိုးတက် ပြောင်းလဲလာတာ တိုးတက်လာတာ မရှိသေးဘူးလို့ ဝေဖန်ထောက်ပြနေကြဆဲ ဖြစ်ပါတယ်။