"အမောမပြေတဲ့ အိမ်ပြန်ခရီး(သို့) “စစ်ငရဲတွင်းနက်ထဲက ဗမာပြည်”

‎

 

 

နိုင်ငံရပ်ခြားတိုင်းတပါးမှာ ရေကြည်ရာမြက်နုရာ၊ တစ်ဝမ်းတစ်ခါးအတွက် ရှာဖွေလုပ်ကိုင်

နေကြသူတိုင်းဟာ နှစ်ကုန်ပိုင်း အားလပ်ရက်ကလေးတွေ ရလာရင် ကိုယ့်ရွာ၊ ကိုယ့်မြို့ ကိုယ့်တိုင်းပြည် ပြန်အနားယူခြင်းကြတာ ဓမ္မတာပါ။ မပြန်ခင်တော့ ဗမာအစားအစာ၊ ဗမာ့ရှုခင်း ငမတ်မွတ်မှုတွေ အာသာဖြေဖို့ စိတ်ကူးတွေနဲ့ ရင်ခုန်နေခဲ့စမြဲ။ တကယ့်တကယ် ဗမာပြည် ပြန်ရောက်တဲ့အခါ

စစ်အာဏာရှင် ငရဲတွင်းထဲမှာ အနိဌာရုံတွေ၊ ယုတ်ညံ့တဲ့ အုပ်ချုပ်သူတွေရဲ့ လက်မှာ မချိမဆန့် ခံစားနေရတဲ့ အများပြည်သူ ရဟန်းရှင်လူတွေရဲ့ ဘဝကို မျက်ဝါးထင်ထင် မြင်ရပြီးတဲ့နောက် နာကျည်းခံပြင်းစွာ၊ စိတ်သောကကြီးစွာ ပြန်လာရတဲ့ အခေါက်ပေါင်း မနည်းတော့။ ဒါပေယမ့်လဲ ဝဋ်ကြွေးပါလာသူမို့ ၂၀၁ဝခု နှစ်ကုန်ပိုင်းမှာ ထုံးစံအတိုင်း ခွင့်ရလို့ ပြန်ဖြစ်ခဲ့တယ်။

ငရဲတံခါးဝ

လေယာဉ်ပေါ်ကနေ ခြေနှစ်ချောင်းကိုချလိုက်တယ်ဆိုရင်ဘဲ လေဆိပ်ပင်မအဆောက်အဦနဲ့ လေယာဉ်ကို ဆက်ထားတဲ့ စင်္ကြန်ပိုက်လုံးအဝမှာ ဘဝအမောတွေ ထင်ဟပ်နေတဲ့၊ ညှိုးနွမ်းတဲ့ မျက်နှာသေလေးများနဲ့ လေဆိပ်ဝန်ထမ်းများကို စတွေ့ခဲ့ရတယ်။ ပြုံးရွှင်ဖော်ရွေစွာ ဝန်ဆောင်မှုကို အလေးထားတဲ့ နိုင်ငံတကာလေဆိပ်ကြီးတွေကနေ ပြန်လာသူတစ်ယောက်အတွက်တော့ ရင်ဝကို အိမ်ပေါက်ဝမှာ ဆောင့်ကန်ခံရသလို ခံစားလိုက်မိတယ်။ အဲ့ဒီနောက် လူဝင်မှုကြီးကြပ်ရေးကို ဖြတ်တော့ အရာရှိဆိုသူတွေကိုယ်တိုင် အတင့်ရဲစွာ တောင်းရမ်းလာဘ်ယူနေတာ ကြုံခဲ့ရတယ်။ ငရဲတံခါးအဝင်ဂိတ်မှာ ငရဲပြည်ဝင်ခွင့် ဖြတ်နေသလိုပါပဲ။ အဲ့ဒီနောက် အကောက်ခွန်ဂိတ်ဖြတ်တော့ မိအိုဖအိုအတွက် သယ်လာတဲ့ အားဆေးကိုတောင် ရန်ရှာတာခံရတယ်။

လေဆိပ်အပြင်ကို ထွက်တယ်ဆိုရင်ဘဲ သတ်မှတ်နှုန်းထား မရှိ၊ မီတာမရှိဘဲ လူပုံကိုကြည့်ပြီး လှီးဖြတ်ဈေးခေါ်နေတဲ့ ပါရမီတက္ကစီနဲ့ အခြားပုဂ္ဂလိကတက္ကစီတွေနဲ့ ဈေးညှိရင်း ကျွန်တော့်စိတ်တွေ နောက်ကျိလာတယ်။ ဈေးအချိုဆုံးတက္ကစီတစ်စီးကို ငှားပြီး မြောက်ဥက္ကလာပ အဝေးပြေးကားဂိတ်ကို ချီတက်ခဲ့ရတော့တယ်။ လမ်းဘေးဝဲယာ ရှုခင်းတွေနဲ့ တက္ကစီဒရိုက်ဘာရဲ့ စကားတွေ နားထောင်လိုက်ရုံနဲ့ မှားယွင်းတဲ့ စနစ်အောက်၊ အရည်ချင်းမဲ့သူတွေ ကြီးစိုးနေတဲ့ ဗရမ်းဗတာ လူ့အဖွဲ့အစည်းကြီးတစ်ခုကို မျက်ဝါးထင်ထင်မြင်ခဲ့ရတယ်။

ပြာပူငရဲ

အဆင့်နိမ့်တဲ့ ပြုပြင်ထိန်းသိမ်းမှုတွေကြောင့် စီးနင်းဖို့ရာ မသင့်တော်တဲ့ ရထားနဲ့ ခရီး မသွားတော့ဘဲ အဝေးပြေးကားနဲ့ ကိုယ့်မွေးရပ်မြေကို ပြန်ခဲ့တယ်။ တကယ်တော့ ရထားမှတင် မဟုတ်ပါဘူး၊ ဗမာတစ်နိုင်ငံလုံးမှာ နေရာတိုင်း လိုအပ်တာထက် ပိုအန္တရာယ်ရှိနေပြီး၊ လူတိုင်းရဲ့ ဘဝဟာ လုံခြုံမှု မရှိပါဘူး။ ကျွန်တော်စီးလာတဲ့ကားကြီးဟာ နောက်တစ်နေ့ မနက်အစောပိုင်း မန္တလေးမြို့ထဲ စဝင်လာခဲ့တယ်။ ဂိတ်ဆုံးမရောက်ခင် လမ်းဘေးဓါတ်ဆီဆိုင်တစ်ခုကို ဖြတ်လာ တော့ အလွန်ရှည်လျားတဲ့ ကားတန်းကြီးနဲ့ ဆိုင်ကယ်တန်းတွေ အံ့ဩစဖွယ် တွေ့မြင်လိုက်ရတယ်။ ဘာဖြစ်လို့ တန်းစီနေကြသလဲလို့ ဘေးထိုင်ခုံက လူကို မေးတော့ ပုဂ္ဂလိကဆီဆိုင်တစ်ချို့ကို အစိုးရဈေးနဲ့ ရောင်းခွင့်ပေးတော့ အပြင်ဈေးနဲ့ တစ်ဂါလံကို ငွေ(၈၀၀)လောက် ကွာတော့ အလုပ်မရှိတဲ့သူရော၊ ရှိတဲ့သူပါ လာတန်းစီပြီး ဆီတိုး စားကြတာပါတဲ့။ တစ်ချို့ဆို ညအိပ်ပြီးတောင် စောင့်ကြသတဲ့။ အပေါ်ပူ၊ အထက်ပူနဲ့ မန္တလေးမြို့ ပူပြင်းတဲ့နေရှိန်အောက်မှာ တန်းစီရတဲ့ လူတွေရဲ့ ဆင်းရဲဒုက္ခကို ငရဲပြည်က ပြာပူငရဲနဲ့ နှိုင်းယှဉ်ကြည့်မိတယ်။

ဆင်းရဲသံသရာနဲ့

အိမ်ပြန်ရောက်တော့ ခဏတဖြုတ်နားပြီး မန္တလေးသားတို့ ထုံးစံအတိုင်း မနက်စာ စားဖို့ လက်ဖက်ရေဆိုင်ကို ထွက်ခဲ့တယ်။ အသက် ၁၀ နှစ် ဝန်းကျင်စားပွဲထိုးလေးတွေ စုပြုံ ရောက်လာတော့ အစားအသောက်မမှာခင် သူတို့အကြောင်းမေးမိတယ်။ အများစုက အထက် အညာကျေးလက် တောနယ်ပိုင်းကပါ။ မိဘက ဆင်းရဲပြီး ကျောင်းမထားနိုင်လို့ အရွယ်မတိုင်ခင် အလုပ်လုပ်ကြရတာ။ ဆင်းရဲလို့ ကျောင်းမတက်၊ စာမတတ်တော့ ဆင်းရဲနဲ့ အမွဲသံသရာမှာ တလည်လည်ပေါ့။ ဒီနေရာမှာ “ပညာရေးဟာ ဆင်းရဲမွဲတေခြင်းကို တိုက်ခိုက်ဖို့ အကောင်းဆုံး လက်နက်ပါ” ဆိုတဲ့ မင်ဒဲလားကြီးရဲ့ စကားကို သတိရလိုက်မိတယ်။

မနက်စာမုန့်နဲ့ လက်ဖက်ရေသောက်ပြီး ပိုက်ဆံရှင်းတော့ ကျွန်တော့်အိတ်ကပ်ထဲက ထောင်တန်သုံးလေးရွက် ခုန်ပေါက်ထွက်သွားတယ်။ ဒီအတိုင်းဆို သာမန်ပြည်သူ အများစုဟာ လက်ဖက်ရေဆိုင်တောင် မထိုင်နိုင်တော့ဘူး။ ဘေးဘီကြည့်လိုက်တော့ အတော်အသင့် အလုပ် ဖြစ်ပုံရတဲ့ ပွဲစားလိုလို လူများ၊ အရောင်းဝယ်သမားတစ်ချို့နဲ့ ဘေးပေါက်ရပြီး ပွနေရတဲ့ ဝန်ထမ်း တစ်ချို့သာ တွေ့ရတယ်။

စစ်အာဏာရှင်ရဲ့ ကလဲ့စား

ဗိုက်ဖြည့်ပြီးတာနဲ့ မဟာမြတ်မုနိဘုရားကြီး ဝင်ဦးခိုက်လိုက်တော့ အတန်အသင့် စိတ်ကြည်နူးမှုလေးရပြီး မန္တလေးတက္ကသိုလ်ကို အလွမ်းပြေ ကြည့်ဖို့ လှည့်ဝင်ခဲ့တယ်။ အရောင်အဆင်း ကင်းမဲ့ပြီး ဆေးဖတ်တွေ ကွာကျနေတဲ့ အဝင်မုဒ်ဦး တံခါးမကြီးနဲ့ ပက်ပက်စက်စက် လျစ်လျှူရှုခြင်း ခံထားရတဲ့ အဆောက်အဦများကို မြင်ယုံနဲ့တင် စစ်အစိုးရနဲ့ တိုင်းသူပြည်သားတွေရဲ့ ပညာရေး အပေါ် ထားတဲ့အမြင်နဲ့ စေတနာနိမ့်ကျမှုကို ထင်ထင်ရှားရှား မြင်တွေ့နိုင်တယ်။ စိန်ပန်းနီပင်၊ တမာပင်၊ ထနောင်းပင်တွေနဲ့ ဂန္ဓဝင်ဆန်ဆန် လှပခဲ့ဖူးတဲ့ သမိုင်းဝင်တက္ကသိုလ်ကြီးဟာ အခုတော့ သွေ့ခြောက်ယိုယွင်းနေခဲ့ပြီ။ ရေနီမြောင်းသွားတဲ့ လမ်းဘေးမှာ ကြက်ဆူပင်တွေ အနှစ်သာရမဲ့စွာ စိုက်ထားတာလည်း တွေ့ခဲ့ရတယ်။ တက္ကသိုလ် ပင်မအဆောက်အဦကြီးကို သွားတဲ့လမ်းကို သံဆူးကြိုးတွေ အထပ်ထပ် ပတ်ပြီး ထောင်ချထားတယ်။ စစ်အာဏာရှင်ကို တော်လှန်ဖို့ ကျောင်းသူကျောင်းသားတွေ သပိတ်စခန်းအဖြစ် သုံးခဲ့တဲ့နေရာမို့ ရည်ရွယ်ချက်ရှိရှိနဲ့ ကလဲ့စား ချေထားတယ်ဆိုတာ မြင်သာပါတယ်။

ပြိတ္တာ ဘဝများနဲ့ မိုးခါးရေ

ပင်မအဆောက်အဦထဲ မဝင်ရဘူးဆိုတော့ ဝင်လို့ရတဲ့ တက္ကသိုလ်ပရဝဏ်ထဲက လမ်းသွယ် လေးတွေပဲ အလွမ်းပြေ ဝင်ကြည့်ရင်း ပါမောက္ခတွေ ဆရာ ဆရာမကြီးတွေနေတဲ့ အိမ်ရာတွေ ရောက်ခဲ့တယ်။ အဲ့ဒီအိမ်ရာတွေထဲက ကျောင်းသူ ကျောင်းသားတစ်ချို့ ထွက်လာတာမြင်လို့ မေးကြည့်လိုက်တော့ ရတဲ့လစာနဲ့ မလောက်ငတာကြောင့် ဆရာတွေက သူတို့အိမ်ကို အဆောင် ဖွင့်စားကြသတဲ့။ သူတစ်ပါး တိုင်းပြည်ကို ကိုလိုနီ ကျွန်ပြုတဲ့ အင်္ဂလိပ်တွေတောင်မှ သူတို့ကျွန်လို့ သဘောထားတဲ့ ဗမာပြည်သူတွေရဲ့ ပညာရေးကို အလေးထားတယ်။ ပညာရှင်တွေကို နေရာပေး ကြတယ်။ တက္ကသိုလ်ဆရာ ဆရာမကြီးတွေဆိုတာ ဒလဝမ်နဲ့ အစေအပါးနဲ့ အဆင့်မြင့်မြင့် နေနိုင်ကြတယ်။ ကျွန်တော်တို့ မိဘတွေလက်ထပ် ထမင်းကြော်တစ်ပွဲ တစ်ကျပ်ပဲ ပေးရတဲ့ ခေတ်မှာ ပါမောက္ခတစ်ယောက်ဟာ လစာတစ်ထောင့်နှစ်ရာ ရသတဲ့။ တစ်နည်းအားဖြင့်ဆိုရင် ဒီပါမောက္ခဟာ ထမင်းကြော်ပွဲပေါင်း (၁၂၀၀)ဝယ်စားနိုင်တယ်ပေါ့။ အခုခေတ် ထမင်းကြော်တစ်ပွဲ ၁၅၀၀ ကျပ်ဆိုတော့ ပါမောက္ခတစ်ယောက်ရသင့်တဲ့ လစာဟာ ၁၅၀၀ x ၁၂၀၀ = ၁၈ သိန်း ဖြစ်သင့်တာပေါ့။ တကယ်ရတဲ့ လစာက ၃ သိန်းဝန်းကျင်လောက်ဆိုတော့ ဘယ်မှာ လောက်ငတော့ မလဲ။ ထိုက်တန်တဲ့ လစာ မရရင် ဘယ်သူမဆို ကိုယ့်အလုပ်ကို တန်ဖိုးထားမှာ မဟုတ်သလို အားသွန်ခွန်စိုက် မလုပ်ကြမှာ အသေချာပဲ။ စားဝတ်နေရေး မဖူလုံရင် မရရတဲ့ နည်းမျိုးစုံနဲ့ အပို ဝင်ငွေရှာကြမှာပေါ့။ တစ်တိုင်းပြည်လုံး မိုးခါးရေသောက်ကြပေါ့။ အုပ်ချုပ်နေသူတွေကိုယ်က သူခိုး ဓါးပြဆိုတော့ အောက်လက်ငယ်သားလဲ သူခိုးဓါးပြပေါ့။ ပြည်သူတွေ ဆင်းရဲတွင်းနက်ပြီး စားရမဲ့ သောက်ရမဲ့ ဖြစ်နေချိန်မှာ ဗိုလ်ချုပ်အသိုင်းအဝိုင်းနဲ့ လက်ဝေခံစီးပွားရေးသမားတွေ တိုင်းပြည် ဘဏ္ဍာကို ပြောင်ပြောင်တင်းတင်း ခိုးယူကြီးပွားကုန်ပြီ။

“ပုတ်ရင်ပေါ် ဟုတ်ရင်ကျော်သတဲ့” တဆင့်စကားနဲ့ ကြားရတဲ့ သတင်းတွေထဲက တစ်ခုပဲ ရေးပြလိုက်တယ်။ ကျောက်ဆည်မြို့နားက ဘဲလင်းနယ်မှာ ဆေးရုံဆောက်ဖို့ သိန်း(၆၀၀၀)တန် Project (ပရောဂျက်)တစ်ခု ရှိခဲ့သတဲ့။ ကျန်းမာရေးဝန်ကြီးသားဆိုသူက သူ့အဖေအရှိန်အဝါနဲ့ ပရောဂျက်ကို ဇွတ်ယူပြီး တကယ်မလုပ်တဲ့ ဆောက်လုပ်ရေးကုမ္ပဏီတစ်ခုကို သိန်း(၄၅၀၀)နဲ့ ရောင်းစားသတဲ့။ အဲ့ဒီကုမ္ပဏီကလည်း နောက်ကုမ္ပဏီတစ်ခုကို သိန်း(၃၀၀၀)နဲ့ ထပ်ရောင်းစား သတဲ့။ ဟိုက ဖြတ်၊ ဒီကလုနဲ့ တိုင်းပြည်ဘဏ္ဍာတွေ လေလွင့် ဆုံးရှုံးနေလိုက်တာ နှမြောစရာ အလွန်ကောင်းတယ်။ ဗိုလ်ချုပ် သားသမီး တူ-တူမ၊ ဦးလေး-အဒေါ် အမျိုးအဆွေအားလုံး နိုင်ငံရဲ့ ဓနဥစ္စာတွေ လုယက်ခိုးဆိုးနေကြတာ မြင်မကောင်းလောက်အောင်ပါပဲ။

ပထွေးဆိုးနဲ့တူသော အစိုးရ

နောက်တစ်ရက်မှာ မန္တလေးစက်မှုဇုန်ကို မိတ်ဆွေတစ်ဦးနဲ့ လိုက်ကြည့်ဖြစ်ခဲ့တယ်။ မြို့သစ်ကဖြတ်ပြီး စက်မှုဇုန်ကိုသွားတဲ့လမ်းဟာ မပြုမပြင်ဘဲ ချိုင်းတွေကျင်းတွေ ပြည့်နှက်နေတာမို့ ၁ဝမိနစ်နဲ့ ရောက်ရမယ့်ခရီးကို ၄၅ မိနစ်လောက် မောင်းခဲ့ရတယ်။ အဲ့ဒါနဲ့ မိတ်ဆွေကို ဘာကြောင့်မို့ လမ်းမပြင်တာလဲလို့ မေးကြည့်တော့ မန္တလေးမြို့တော်ဝန်ဆိုသူက ပြောသတဲ့၊ ဒီလမ်းဟာ စီးပွားရေးသမားတွေသုံးတဲ့လမ်း၊ ဒီကောင်တွေ တတ်နိုင်တယ်၊ ပစ်ထားလိုက်ကွာလို့ ဆိုသတဲ့။ နိုင်ငံရဲ့ အဆင့်မြင့်အုပ်ချုပ်ရေးတာဝန်ယူထားသူတစ်ဦးက အမျှော်အမြင်ကင်းမဲ့စွာ လက်လွှတ်စပယ် ဒီစကားပြောရိုးမှန်ရင် တိုင်းပြည်အတွက် အလွန်ရင်လေးစရာကောင်းတယ်။ ဒီလမ်းကို သုံးနေရတဲ့ စီးပွားရေးသမားတွေနဲ့ ပြည်သူတွေရဲ့ မလိုအပ်ဘဲ ဖြုန်းတီးရတဲ့ အချိန်တွေနဲ့ လမ်းမကောင်းလို့ သယ်ယူပို့ဆောင်ရေးယာဉ်တွေ မလိုအပ်ဘဲ ပျက်စီးဆုံးရှုးမှုတွေဟာ တိုင်းပြည်ရဲ့ ဆုံးရှုံးမှုတွေပဲ။ ပြည်တွင်းလုပ်ငန်းရှင်တွေ အဆင်ပြေပြေ လုပ်ကိုင်ဆောင်ရွက်နိုင်ဖို့ သူတို့စီးပွားရေးလုပ်ငန်းတွေ တိုးတက်ကြွယ်ဝမှုဟာ တိုင်းပြည်ရဲ့ တိုးတက်ကြွယ်ဝမှုပဲဆိုတာ နိုင်ငံကို အုပ်ချုပ်သူတွေ ရှင်းရှင်းလင်းလင်း မြင်နိုင်ရမယ်။

စင်္ကာပူနိုင်ငံမှာဆို အစိုးရကိုယ်တိုင် အလေးဂရုပြုပြီး အသေးစားနဲ့ အလတ်စား ပြည်တွင်း လုပ်ငန်းရှင်တွေကို ထောက်ပံ့ကူညီဖို့ (SME- Small & Medium Enterprise)လို့ခေါ်တဲ့ အဖွဲ့နဲ့ EDB (Economic Development Board) ဘုတ်အဖွဲ့ကို ဖွဲ့ပေးထားတယ်။ ငွေလိုရင် ငွေချေးတယ်။ နည်းပညလိုရင် ပေးတယ်။ Skill Development Plan တွေနဲ့ သင်တန်းတွေပေးတယ်။ အဲ့ဒီ အသေးစားနဲ့ အလတ်စားလုပ်ငန်းတွေဟာ အခုဆို အကြီးစားနဲ့ နိုင်ငံတကာ အဆင့်မီလုပ်ငန်းတွေ ဖြစ်ကုန်ပြီ။ မိဘက သားသမီးကို ပညာသင်ပေး၊ ကျောင်းထားပေး၊ အကြံဉာဏ်ပေး၊ အရင်းနှီး ထုတ်ပေးသလိုမျိုးပေါ့။ မိဘနဲ့တူသော အစိုးရဆိုတာ ပြည်တွင်း စီးပွားရေးလုပ်ငန်းရှင်တွေကို သေးရာက ကြီးလာအောင်၊ ကြီးရာက နိုင်ငံတကာအဆင့် ရောက်နိုင်ဖို့ ဘက်ပေါင်းစုံက ပံ့ပိုး ကူညီနေရမယ်။

ဗမာပြည်က စစ်အစိုးရကတော့ ပြည်တွင်းလုပ်ငန်းရှင်တွေ တိုးတက်ကြီးပွားအောင် ကူညီ အားပေးရမယ့်အစား လုပ်ငန်းတွေ နှောင့်နှေးအောင်၊ မချောမွေ့အောင် လုပ်နေကြတယ်။ တစ်ချို့ဆို အနှောက်အယှက်ပေးခံရတယ်။ ခြိမ်းခြောက်ငွေညစ်တာ ခံကြရတယ်။ နေရောင်မရ၊ လောင်းရိပ်မိပြီး သင်းသပ်ခံထားရတဲ့ အပင်တွေလိုပဲ။ တစ်ချို့ဆို ကြီးထွားခွင့်မရဘဲ သေကုန် ကြတယ်။ ထင်ရှားတဲ့ ဥပမာကတော့ မုံရွာဘာဘူစောင်လုပ်ငန်းပဲ။ ဒါတွေကိုကြည့်လိုက်ရင် လက်ရှိ စစ်အာဏာရှင်တွေဟာ ပထွေးဆိုးနဲ့တူတဲ့ အစိုးရဆိုတာ ငြင်းခံနေစရာ မလိုတော့ဘူး။

ငရဲပြည်က အပြန်

၂၀၁၀ ခုနှစ်ကုန် အားလပ်ရက်လေးတွေလည်း အရင်နှစ်တွေအတိုင်း စိတ်မချမ်းမြေ့စရာ အနိဌာရုံတွေ ၊ စစ်ဓါးပြတွေရဲ့ အုပ်ချုပ်ဖျက်ဆီးမှုအောက်မှာ ဖွတ်ဖွတ်ကြေနေတဲ့ တိုင်းပြည်ရဲ့ စီးပွားရေးဘဝ၊ လူမှုရေးဘဝတွေကို ကိုယ်တိုင်ကိုယ်ကျ မြင်ရပြီးတဲ့နောက် စိတ်ရှုပ်ထွေး နောက်ကျိစွာ ကုန်ဆုံးခဲ့ရတယ်။ အပြန်ခရီးမှာ ဖောက်ထားပြီးစ ရန်ကုန် - မန္တလေး အမြန်လမ်းမကြီး အတိုင်း ပြန်လာရင်း ရိုးမတောင်တန်းကြီးတွေနဲ့ လှပတဲ့ ရှုခင်းအလှတွေ မခံစားနိုင်ဘဲ ချွန်မြရှတ နေတဲ့ ကွန်ကရစ်လမ်းမကြီးပေါ် ကိုယ့်ကားရဲ့ ဘီးမကွဲဖို့၊ ယာဉ်တိမ်းမှောက် မသွားဖို့ ဘုရားစာ ရွတ်ရင်း ရင်တမမနဲ့ ပြန်လာခဲ့ရတော့တယ်။

မင်းကောင်းချစ်See More

By: Myatphone Linn