ဒေါ်အောင်ဆန်းစုကြည်မှ အစိုးရသည် စစ်မှန်သောပြောင်းလဲမှုဖြစ်ပေါ်လာလိမ့်မည်ဟု ယုံကြည်ကြောင်းပြောသည်။ လွှတ်တော်၏ သွားရာလမ်းသည် အမျိုးသားဒီမိုကရေစီအဖွဲ့၏ သွားရာလမ်းနှင့် တူသည်ဟု ဆိုချင်ခြင်းလော၊ သံရေးတမန်ရေးစကားလော မသိနိုင်သော်လည်း စာရေးသူအနေဖြင့် ထိုစကားအား လက္ခံရန်ခက်နေသည်။
လွှတ်တော်သည် အမှန်တကယ် လမ်းကြောင်းမှန်သို့ ဦးတည်နေပြီဟု ပြော၍ရပြီလော။ မထင်ပါ။ NLD အနေဖြင့် ရှေ့လုပ်ဆောင်ချက်များအား ထိခိုက်မည်စိုး၍ တစ်ချို့သော အစိုးရလုပ်ရပ်များအား ထောက်ခံခြင်းလည်းဖြစ်နိုင်သည်။
အကယ်၍ လွှတ်တော်အား ထောက်ခံကြိုဆိုပါလျှင် NLD သည် အတိုက်အခံပါတီမဟုတ်တော့။ ကနဦးကတည်းက ကမ္ဘာ့ဇာတ်ခုံပေါ်ရရှိ အတိုက်အခံပါတီများထဲတွင် နေရာမရဆုံးပါတီဖြစ်သည်။ အစိုးရနှင့် ပူးပေါင်းလိုက်လျှင် NLD အခန်းကဏ္ဋ မှုန်ဝါးပျောက်ကွယ်သွားပါလိမ့်မည်။ ဆိုလျှင် သံရေးတမန်ရေး စကားလုံးလှလှများသည် အတိုက်ခံအားကိုလျော့စေ၍ အုပ်ချုပ်သူတို့ ထင်သလိုမင်းမူပြန်ဦးမည်။ လွှတ်တော်သည် အမှန်တစ်ကယ် ပြောင်းလဲပစ်နိုင်မည်လော။ မသေချာပါ။ သို့သော် အတိုက်အခံတို့ဘက်မှ မိမိရည်ရွယ်ရာအတိုင်းလုပ်လျှက် စောင့်ကြည့်ခြင်းကို ပိုအားပေးချင်သည်။
စစ်မှန်သောပြောင်းလဲမှုဖြစ်လိုလျှင် ပြည်သူ့အသံကို ဦးစွာနားထောင်ရမည်။ လွှတ်တော်အမတ်များ၏ လုပ်နည်းကိုင်နည်း၊ လုပ်ပိုင်ခွင့်များအတွက် တိကျသေချာသောထုံး ရှိနေရမည်။ အတိုက်အခံပါတီအမတ်များအပေါ် လေးစားရမည်။ လွှတ်တော်ဆွေးနွေးချက်များနှင့် ရလာဒ်များအား ပြည်သူလူထုထံ ထုတ်ဖော်ပေးနိုင်ရမည်။ " ပြည်သူသည်သူဌေး အုပ်ချုပ်သူသည်အလုပ်သမား " ဟူသောစကား ကိုလက်တွေ့ကျင့်ကြံပြရမည်။ သို့တစေ ဤသို့ဖြစ်လာဖို့ရာ လုံးဝမလွယ်ပါ။ အင်မတန်ခက်ခဲပါလိမ့်မည်။ သည့်အတွက် မေးချင်သည့်မေးခွန်းများစွာရှိသည်။ မေး၍ရနိုင်မည်မဟုတ်သေးပါ။
အပြင်၌ ပေါက်ကြားပြီးသောအဆိုသည် လွှတ်တော်၌တင်သွင်းခွင့်မရှိဆိုလျှင် လင်မယားအတွင်းရေးကို တင်ပြရန်သာရှိသည့် အတွင်းရေး လွှတ်တော်ဖြစ်ပါလိမ့်မည်။ ပြည်သူ့အသံထွက်သည့် ပြည်သူ့လွှတ်တော် မဟုတ်နိုင်။ ထို့ကြောင့် တွေးကြည့်ဖြစ်သည်။ လွှတ်တော်သည် တကယ့်ပြောင်းလဲမှုထံ ဆောင်ကြည်းသွားနိုင်မည်ဆိုသည်မှာ ဖြစ်နိုင်မည်လားဟူ၍ဖြစ်သည်။
သို့သော်လည်း ဒေါ်အောင်ဆန်းစုကြည်၏ လုပ်ဆောင်ချက်များအား ထောက်ခံအားပေးလျှက်ပင်ရှိပါသည်။ NLD သာလျှင် နိုင်ငံတော်အား အစစ်အမှန်ပြောင်းလဲပေးနိုင်မည်ဟု ယုံကြည်နေဆဲဖြစ်ပါသည်။
No comments:
Post a Comment