19.12.2011 နေ့ဖတ်ရန်သတင်းများ

ချက်သမ္မတဟောင်း Vaclav Havel ကွယ်လွန်ပြီ.
ကျောက်မီးသွေးသုံး ဓာတ်အားထုတ် စီမံကိန်းက ထွက်လာနိုင်တဲ့ ပြာမှုန် ပမာဏ.
အီရတ်က လက်ကျန်အမေရိကန်တပ်ဖွဲ့တွေ အကုန်ထွက်ပြီ.
ရုရှား ကမ်းလွန် ရေနံတွင်းတူးစင် တိမ်းစောင်း နစ်မြှုတ်.
ဆီးရီးယားကို အာရပ် အဖွဲ့ချုပ် ဖိအားပေး.
ရှမ်းပါတီ ကြားဖြတ်ရွေးကောက်ပွဲ ဝင်မယ်.
ကိုင်ရို မြို့လယ်မှာ တိုက်ခိုက် နေကြဆဲ.
အီရတ် ပါလီမန်အတွင်း နိုင်ငံရေး မတည်ငြိမ်.
အညတရ သူရဲကောင်း ဂုဏ်ပြုပွဲ ဂျပန်မှာ ပြုလုပ်.
အစိုးရနဲ့ SSA တောင်ပိုင်း ငြိမ်းချမ်းရေး ဆက်လက်ဆွေးနွေး.
SNDP ကြားဖြတ်ရွေးကောက်ပွဲ သုံးနေရာ ဝင်ပြိုင်မည်.
ကြားဖြတ်ရွေးကောက်ပွဲအတွက် NLD ပြင်ဆင်.
သမိုင်းဝင် ရန္တပို.

by Myanmar Journal on Monday, December 19, 2011 at 6:48am

ကတ္တီပါ တော်လှန်ရေးကြီးကို ဦးဆောင်ခဲ့သူ Vaclav Havelချက်သမ္မတဟောင်း Vaclav Havel ကွယ်လွန်ပြီ
ချက်ကိုစလိုဗက်ကီးယားနိုင်ငံ မှာ ကတ္တီပါ လူထု တော်လှန်ရေး ကို ဦးဆောင် ခဲ့သူ လည်း ဖြစ်၊ ချက်သမ္မတနိုင်ငံ ရဲ့ ပထမ ဦးဆုံး သမ္မတ လည်းဖြစ်တဲ့ Vaclav Havel ဗားစ်လာ့ဗ် ဟာဗဲလ် ဟာ အသက် ၇၅ နှစ် အရွယ်မှာ ကွယ်လွန် သွားပြီ ဖြစ်ပါတယ်။

ပြဇာတ်ရေးဆရာလည်း ဖြစ်ခဲ့ဖူးသူ မစ္စတာ ဗားစ်လာ့ဗ် ဟာဗဲလ် ဟာ နာတာရှည် လူကြီး ရောဂါ ခံစားနေရပြီး တနင်္ဂနွေနေ့ မနက်မှာ ဆုံးပါးသွားခဲ့တာလို့ သူ့ရဲ့ အတွင်းရေးမှူး က ပြောပါတယ်။
သူ့ရဲ့နောက်ဆုံးအချိန်မှာ ဇနီးဖြစ်သူ ဒက်မာရာနဲ့ သီလရှင်အတော်များများ သူ့အနားမှာ ရှိနေခဲ့ပြီး၊ ငြိမ်းငြိမ်းချမ်းချမ်းရှိ ခဲ့တယ်လို့ သိရပါတယ်။
သူ့ဘဝအကြောင်း တစေ့တစောင်း
ဗားစ်လာ့ဗ် ဟာဗဲလ်ကို ၁၉၃၆ ခုနှစ်မှာ မွေးဖွားခဲ့တာ ဖြစ်ပြီး ငယ်စဉ်က ချမ်းသာ ကြွယ်ဝတဲ့ မိသားစုတွင်းမှာ လိုလေသေးမရှိ နေထိုင်ခဲ့ရပါတယ်။
ဒါပေမယ့် ကွန်မြူနစ်တွေ အာဏာရလာချိန်မှာတော့ သူ့မိသားစု ချွတ်ခြုံကျအောင် ဆင်းရဲ သွား ခဲ့ရပါတယ်။
ကွန်မြူနစ် အစိုးရသစ်က ဗားစ်လာ့ဗ် ဟာဗဲလ်ကို ဓနရှင်လူတန်းစား အဖြစ်သတ်မှတ်ပြီး အထက်တန်းအဆင့် ပညာသင်ခွင့် ပိတ်ပင်ခဲ့ပေမယ့် ဗားစ်လာ့ဗ် ဟာဗဲလ်ဟာ နေ့ဘက်မှာ ဓါတ်ခွဲခန်း အကူ အဖြစ် အလုပ်လုပ်ပြီး ညကျောင်းတက်ကာ ပညာ ဆည်းပူးခဲ့ပါတယ်။
၁၉၆၈ ခုနှစ် Alexander Dubcek ဦးဆောင်တဲ့ တော်လှန်မှုတွေ ဖြစ်ခဲ့ပြီး ပြုပြင် ပြောင်းလဲရေး လမ်းစနဲ့ ချက်ကိုစလိုဗက်ကီးယားနိုင်ငံ ကွန်မြူနစ် စနစ် က လွတ်မြောက် ရေး မျှော်လင့်ချက်တွေ ပထမဆုံးအကြိမ် ပေါ်လာချိန်မှာတော့ မစ္စတာ ဟာဗဲလ်ဟာ အောင်မြင် ကျော်ကြားတဲ့ ပြဇာတ်ရေး ဆရာ တဦး ဖြစ်နေပါပြီ။
သူရေးတဲ့ ပြဇာတ်တွေထဲမှာ ကွန်မြူနစ်အစိုးရကို ဗြောင် ဝေဖန် သရော်တာတွေ လုပ်ခဲ့တဲ့ အတွက် သူ ကမ္ဘာကျော် သွားခဲ့ ပါတယ်။
မစ္စတာ ဟာဗဲလ်က သူဟာ နိုင်ငံရေး စာရေးဆရာတဦး မဖြစ်ချင် ခဲ့ကြောင်းပြောခဲ့ပါတယ်။ နိုင်ငံရေး နဲ့ မပတ်သက်ချင်ပေမယ့် လည်း အနုပညာကောင်း ဆိုတာ နိုင်ငံရေး နဲ့ အမြဲ ဆက်နွယ်နေတယ် လို့ သူ့အနေနဲ့ ယူဆကြောင်း ပြောပါတယ်။
အဲဒီနောက်ပိုင်းမှာတော့ မစ္စတာ ဟာဗဲလ် ဟာ လူ့အခွင့်အရေး ကြေညာစာတမ်း Charter 77 လှုပ်ရှားမှုမှာ ပါဝင် ကူညီခဲ့ပြီး ချက်ကိုစလိုဗက်ကီးယား မှာ အကျော်ကြားဆုံး အတိုက်အခံ တဦး ဖြစ်လာခဲ့ပါတယ်။
အဲဒီ့နောက် အစိုးရကို ဆန့်ကျင်မှု စွဲချက်နဲ့ ထောင်ဒဏ်ကျ ခံခဲ့ရပြီး ထောင်က လွတ်လာချိန် မှာလည်း ထောက်လှမ်းရေးတွေရဲ့ မပြတ် စောင့်ကြည့်တာကို ခံခဲ့ရ ပါတယ်။
၁၉၈၉ ခုနှစ်အကုန်လောက်မှာတော့ ကတ္တီပါ တော်လှန်ရေးလို့ ခေါ်တဲ့ ၁၈ရက်ကြာ ငြိမ်းချမ်းစွာ ဆန္ဒပြမှုကြီးကို မစ္စတာ ဟာဗဲလ် ဦးဆောင် ခဲ့ပြီး ကွန်မြူနစ် အစိုးရကို ဖြုတ်ချ နိုင်ခဲ့ပါတယ်။
အဲဒီနောက် မစ္စတာ ဟာဗဲလ် ချက်ကိုစလိုဗက်ကီးယား သမ္မတ အဖြစ် ခန့်အပ်ခံရပါတယ်။
ဒါပေမယ့် ဆလိုဗက်ကီးယား အမျိုးသားရေးဝါဒီတွေ ကိုယ်ပိုင် လွတ်လပ်ရေး တောင်းဆို ခဲ့ရာကနေ နိုင်ငံ နှစ်ခြမ်း ကွဲသွားခဲ့ပြီး မစ္စတာ ဟာဗဲလ်ကို ရာထူးကနေ နှုတ်ထွက်ပေးဖို့ တောင်းဆို ဆန္ဒပြမှုတွေ ပေါ်ပေါက်ခဲ့ပါတယ်။
သူရာထူးက ဆင်းပေးခဲ့အပြီး ၁၉၉၃ ခုနှစ်မှာ ချက်သမ္မတနိုင်ငံသစ်ရဲ့ ခေါင်းဆောင် အဖြစ် ပြန်အရွေးခံ ခဲ့ရပါတယ်။
ဒုတိယ သမ္မတ သက်တမ်း အကုန် ၂၀၀၃ ခုနှစ်မှာတော့ သမ္မတအဖြစ် ဆက်အရွေးမခံတော့ပဲ ကမ္ဘာတဝှမ်းက လူ့အခွင့်အရေး လှုပ်ရှားမှုတွေမှာ ပါဝင် ကူညီ ဆောင်ရွက် ခဲ့ပါတယ်။
မစ္စတာ ဟာဗဲလ်ဟာ မြန်မာနိုင်ငံအရေးမှာလည်း အထူးကူညီ ဆောင်ရွက်ခဲ့သူ တဦးဖြစ်ပြီး ဒေါ်အောင်ဆန်းစုကြည် ငြိမ်းချမ်းရေးနိုဘယ်လ်ဆု ရရေးအဆိုကို ထောက်ခံခဲ့သူ ဖြစ်ပါတယ်။

ကျောက်မီးသွေးသုံး ဓာတ်အားထုတ် စီမံကိန်းက ထွက်လာနိုင်တဲ့ ပြာမှုန် ပမာဏ
ဒီကျောက်မီးသွေး ဓာတ်အားပေး စက်ရုံကနေ ပြာတန်ချိန် တသောင်း နှစ်စဉ်ထွက်မှာဖြစ်
ထားဝယ် အထူးစီးပွားရေးဇုန် စီမံကိန်းမှာ လျှပ်စစ်ဓာတ်အား မီဂါဝပ် ၄၀၀၀ ထုတ်လုပ်မယ့် ကျောက်မီးသွေးသုံး ဓာတ် အားပေးစက်ရုံ ပါဝင်မှာ ဖြစ်တဲ့ အတွက် အဲဒီဒေသမှာ သဘာဝပတ်ဝန်းကျင် ကို ထိခိုက်နိုင်ကြောင်း လေ့လာသူတွေက ပြောပါတယ်။
ဒီဓာတ်အားပေး စက်ရုံကနေ နှစ်စဉ် ကျောက်မီးသွေး လောင်ကျွမ်းလို့ ဖြစ်လာတဲ့ ပြာ တွေ တန်ချိန် တသောင်း လောက် ထွက်လာ နိုင်တဲ့ အတွက် သဘာဝ ပတ်ဝန်းကျင် ကို ကြီးကြီးမားမား သက်ရောက်မှု ရှိနိုင်ကြောင်း ဒီစီမံကိန်းအကြောင်း လေ့လာ သုတေသန ပြုနေတဲ့ Another Develpoment for Burma အဖွဲ့က သုတေသီ စောဖရန်ကီ က ပြောပါတယ်။
ဒီပြာတွေဟာ မိုးရွာတဲ့အခါ မြစ်ချောင်းတွေထဲ စီးပါသွားပြီး မြစ်ချောင်းထဲက ငါးတွေ အပါ အဝင် ရေသတ္တဝါတွေကိုလည်း ထိခိုက်နိုင်ကြောင်း သူက ပြောပါတယ်။
လောင်စာ အဖြစ်သုံးတဲ့ ကျောက်မီးသွေးကနေ ဆာဖာဒိုင်အောင်ဆိုဒ်၊ ကာဘွန်မိုနော့ဆိုဒ် ဓာတ်ငွေ့တွေထွက်လာမှာ ဖြစ်ပြီး အဲဒီဓာတ်ငွေ့တွေဟာ ကမ္ဘာကြီးကို ပူနွေး စေမှာ ဖြစ် ကြောင်းလည်း သူကပြောပါ တယ်။
ထိုင်းနိုင်ငံက မက်တာပို့ စက်မှုဇုန် နေရာတဝိုက်က စိုက်ခင်းတွေမှာဆိုရင် စိုက်ပျိုးသီးနှံ တွေဟာ ခြောက်သွေ့သွားတာကို လေ့လာတွေ့ရှိရတယ်လို့ ဆိုပါတယ်။
စက်မှုဇုန်တွေ လုပ်ဆောင်မယ့် သူတွေအနေနဲ့ သဘာဝပတ်ဝန်းကျင်နဲ့ လူမှုရေး ထိခိုက်မှု ရှိမရှိကို အရင် ဆန်းစစ်ဖို့ လိုတယ်လို့ ကိုစောဖရန်ကီက ပြောပါတယ်။
ထားဝယ်စီမံကိန်း ကို လုပ်ဆောင်နေတဲ့ ကုမ္ပဏီ တွေက ထိုင်းနိုင်ငံက TEAM လို့ခေါ်တဲ့ အဖွဲ့ကို ဒီစီမံကိန်းနဲ့ပတ်သက်ပြီး သဘာဝပတ်ဝန်းကျင် လေ့လာဆန်းစစ်ရေး လုပ်ဖို့စီစဉ် မယ် လို့ ကြားသိထား ကြပေမယ့် အခုအချိန် ထိ ဒေသခံတွေနဲ့ တွေ့ဆုံ မေးမြန်းတာ မြန်မာပြည် ဆိုင်ရာ သဘာဝပတ်ဝန်းကျင် ထိန်းသိမ်းရေးဆိုင်ရာ အဖွဲ့တွေ ကို ဖိတ်ခေါ်ဆွေးနွေးတာ စတာတွေ လုပ်တာမျိုး မကြားရသေး ကြောင်းလည်း သူ က ပြောပါတယ်။

အီရတ်က လက်ကျန်အမေရိကန်တပ်ဖွဲ့တွေ အကုန်ထွက်ပြီ
နောက်ဆုံး စစ်ယာဉ်တန်းဟာ ကူဝိတ်နယ်စပ် ကို ဖြတ်ကျော် ဝင်ရောက်သွားခဲ့
အီရတ်နိုင်ငံမှာရှိနေတဲ့ နောက်ဆုံးလက်ကျန် အမေရိကန်တပ်ဖွဲ့တွေကို ပြန်လည်ရုပ်သိမ်း လိုက်ပြီ ဖြစ်ပါတယ်။
စစ်သား ၅၀၀ လောက်ကို တင်ဆောင်လာတဲ့ ကားအစီး ၁၀၀ နီးပါး ပါတဲ့ နောက်ဆုံး စစ်ယာဉ်တန်းဟာ ကူဝိတ်နယ်စပ်ကို တနင်္ဂနွေ နေ့ မနက်အစောပိုင်းက ဖြတ်ကျော် ဝင်ရောက် သွားခဲ့တာပါ။
ပြီးခဲ့တဲ့ ၉ နှစ်နီးပါးခန့်က အမေရိကန်တို့ အီရတ်နိုင်ငံကို ဝင်ရောက် သိမ်းပိုက်ခဲ့ပြီး သမ္မတ ဆက်ဒမ် ဟူစိန်ကို ဖြုတ်ချခဲ့တာ ဖြစ်ပါတယ်။
အီရတ်မှာ အမေရိကန်စစ်သား အများဆုံးအနေနဲ့ ၁ သိန်း ၇ သောင်းအထိ ထားရှိခဲ့တာ ဖြစ်ပြီး၊ စစ်စခန်းတွေကတော့ ၅၀၀ အထိ ရှိခဲ့တာ ဖြစ်ပါတယ်။
အီရတ်ပြည်သူ အများစုကတော့ အခုလို အမေရိကန်တပ်ဖွဲ့တွေ ထွက်ခွာသွားတာကို ဝမ်းသာ နေကြတယ်လို့ သတင်းထောက်တွေက ပြောပါတယ်။
ဒါပေမယ်လို့ နိုင်ငံရဲ့ ပြည်တွင်းလုံခြုံရေးနဲ့ နိုင်ငံရေး တည်ငြိမ်မှုတွေအတွက် ကိုတော့ အများက အလွန်အမင်း စိုးရိမ်မှုတွေ ရှိနေကြဆဲဖြစ်တယ်လို့ ဆိုပါတယ်။

ရုရှား ကမ်းလွန် ရေနံတွင်းတူးစင် တိမ်းစောင်း နစ်မြှုတ်
တွင်းတူးစင်ကြီး ကို ဆွဲသင်္ဘောနဲ့ ဆွဲနေစဉ် တိမ်းမှောက် သွားတာ ဖြစ်
ရုရှားနိုင်ငံအရှေ့ဖျား ကမ်းလွန်မှာ ရေနံတွင်းတူး စင် တခု အေးခဲလှတဲ့ ရာသီဥတု အောက်မှာ တိမ်းမှောက် သွားတဲ့အတွက် လူလေးဦး သေဆုံးသွားပြီး ဒါဇင်နဲ့ချီ ပျောက်ဆုံးနေပါတယ်။
ကော့စကိုယာလို့ အမည်ရတဲ့ အဲဒီရေနံတူးစ်င ပေါ်မှာ လူပေါင်း ၆၇ ဦး ရှိနေခဲ့တာ ဖြစ်တယ်လို့ ရုရှား အရာရှိ တွေက ပြောပါတယ်။
အဲဟော့စ်တ် ပင်လယ်ပြင်မှာ အဲဒီရေနံတွင်းတူးစင် ကို ဆွဲသင်္ဘောနဲ့ ဆွဲနေစဉ် ဆိုးဝါးလှတဲ့ ရာသီဥတုအောက်မှာ တွင်းတူးစင် တိမ်းမှောက်သွား တာ ဖြစ်ပါတယ်။
လူပေါင်း ၁၄ ဦးကိုတော့ ကယ်ဆယ်နိုင်ခဲ့ပြီး၊ တခြား အသက်မသေဘဲ လွတ်မြောက်သူတွေ ကိုလည်း ရှာဖွေနေပါတယ်။
ရာသီဥတု အခြေအနေကတော့ လေပြင်းတွေတိုက်ပြီး ၄ မီတာ အမြင့်လောက်ရှိတဲ့ လှိုင်းတွေ လည်း ထန်နေတာ ဖြစ်ပါတယ်။
လူမပါတဲ့ အသက်ကယ် ရာဘာလှေ တချို့ကိုလည်း ပြန်တွေ့ခဲ့ ရပါတယ်။
ဘီဘီစီ မော်စကို သတင်းထောက် ပြောတာကတော့ ဒီ ရေခဲတမျှ အေးခဲနေတဲ့ ရေထဲမှာ ပျောက်ဆုံးနေတဲ့ သူတွေကို အသက်ရှင်လျက် ပြန်တွေ့နိုင်ဖို့ကတော့ အခွင့်အလမ်း အရမ်း နည်းတယ်လို့ ဆိုပါတယ်။

ဆီးရီးယား က ဆန္ဒပြ နေကြသူများဆီးရီးယားကို အာရပ် အဖွဲ့ချုပ် ဖိအားပေး
ဆီးရီးယား နိုင်ငံမှာ ဖြစ်ပေါ်နေတဲ့ အစိုးရ ကို ဆန့်ကျင် သူတွေနဲ့ အစိုးရ လုံခြုံရေး တပ်ဖွဲ့တွေ အကြားက တိုက်ခိုက်မှု တွေကို အဆုံးသတ် နိုင်ဖို့ အတွက် အာရပ် အဖွဲ့ချုပ် အဖွဲ့ဝင် နိုင်ငံ တွေက ဆီးရီးယား အပေါ် မှာ ဖိအားတွေ ပိုပြီး ပေးလာကြ ပါတယ်။
ကာတာ ဝန်ကြီး ချုပ်က ဒမတ်စကတ်စ် ကို အာရပ် အဖွဲ့ချုပ်ရဲ့အဆိုပြုချက်တွေကိုဗုဒ္ဓဟူး နေ့ နောက်ဆုံး ထားပြီး လိုက်နာ အကောင် အထည် ဖော်နိုင်ဖို့ အတွက် တိုက်တွန်း လိုက်ပါတယ်။ အဲဒီ နေ့မှာ ဒီ ကိစ္စနဲ့ ပတ်သက်ပြီး ကုလသမဂ္ဂ လုံခြုံရေး ကောင်စီကို တင်ပြ ဖို့ အတွက် အာရပ် အဖွဲ့ချုပ်ရဲ့ အဖွဲ့ဝင် နိုင်ငံ တွေက နိုင်ငံခြားရေး ဝန်ကြီးတွေ မဲခွဲ ဆုံးဖြတ် ကြမှာ ဖြစ်ပါတယ်။
ဒီလို သာ တင်ပြလိုက်ရင် တော့ ဆီးရီးယား အစိုးရ အတွက် ဒီ ပြဿနာ က ပိုကြီးလာ နိုင်တယ်လို့ ဘီဘီစီ သတင်း ထောက်က သုံးသတ်ထား ပါတယ်။ အာရပ် အဖွဲ့ချုပ် ရဲ့ အဆိုပြုချက် တွေထဲမှာ လက်ရှိ ဖြစ်နေတဲ့ တိုက်ခိုက်မှု တွေ ရပ်တန့် ဖို့နဲ့ နိုင်ငံတကာက စောင့်ကြည့် လေ့လာ သူတွေ ချထား ဖို့ တွေ ပါဝင်ပါတယ်။

ကျားဖြူပါတီရှမ်းပါတီ ကြားဖြတ်ရွေးကောက်ပွဲ ဝင်မယ်
ကျားဖြူပါတီလို့ လူသိများတဲ့ ရှမ်း တိုင်းရင်း သားများ ဒီမိုကရက်တစ် ပါတီ SNDP ဟာ လာမယ့် ကြားဖြတ် ရွေးကောက်ပွဲမှာ မဲဆန္ဒနယ် သုံးနေရာ ကနေ ဝင်ပြိုင်ဖို့ ဆုံးဖြတ်လိုက်ပါတယ်။
ရှမ်းပြည်မြောက်ပိုင်း လားရှိုးမြို့နယ်၊ ရှမ်းပြည်တောင်ပိုင်း ကလောမြို့နယ်နဲ့ ကချင်ပြည်နယ် မိုးကောင်းမြို့နယ်တွေကနေ ဝင်ပြိုင်ဖို့ ရှိတယ်လို့ သိရပါတယ်။
ပါတီဗဟိုအလုပ်အမှုဆောင်တွေရဲ့ နှစ်ရက်ကြာ ဆွေးနွေးပွဲအပြီး ဆုံးဖြတ် လိုက်တာပါ။
၂၀၁၀ ရွေးကောက်ပွဲပြီးနောက် အမတ်နေရာ လစ်လပ်သွားတဲ့ တချို့ မြို့နယ်တွေမှာ ပြန်လည် အစားထိုးနိုင်ဖို့ လုပ်မယ့် ကြားဖြတ် ရွေးကောက်ပွဲ ကျင်းပမယ့် ရက်လ အတိအကျ ကိုတော့ မထုတ်ပြန် သေးပါဘူး။
ဒါပေမယ့် အခုမှ ပြန်လည် မှတ်ပုံတင်တဲ့ အမျိုးသား ဒီမိုကရေစီ အဖွဲ့ချုပ် NLD အပါအဝင် ပါတီအသီးသီးက ကြားဖြတ် ရွေးကောက်ပွဲဝင်ဖို့ ပြင်ဆင် နေကြပါတယ်။

ကိုင်ရိုမြို့က ဆန္ဒပြသူတွေနဲ့ လုံခြုံရေးများကိုင်ရို မြို့လယ်မှာ တိုက်ခိုက် နေကြဆဲ
အီဂျစ် နိုင်ငံ က ကိုင်ရို မြို့လယ် မှာတော့ စစ်တပ်က အုပ်ချုပ် နေတာကို ဆန့်ကျင် သူတွေနဲ့ လုံခြုံရေးတွေ အကြား ရင်ဆိုင် တိုက်ခိုက် မှုတွေ ဒုတိယနေ့ အဖြစ်ဆက် လက် ဖြစ်ပွား ခဲ့ပါတယ်။
ပြီးခဲ့တဲ့ သောကြာ နေ့က စခဲ့တဲ့ ဒီ ရင်ဆိုင် မှုတွေကြောင့် အနည်းဆုံး လူပေါင်း ၉ ဦး အသက် ဆုံးရှုံး ခဲ့ရ ပြီးလဲ ဖြစ်ပါတယ်။ အစိုးရ ဆန့်ကျင်သူ တွေဘက်က စစ်တပ်က ခန့်အပ် ပေးထားတဲ့ ဝန်ကြီးချုပ် ကာမဲလ် အဲလ် ဂန်ဇူရီ က သူတို့ကို တော်လှန်ရေး ကို တန်ပြန် တော်လှန် သူတွေလို့ ဆိုခဲ့ တဲ့အပေါ်မှာ အတော် မကျေမနပ် ဖြစ်နေ ကြ ပါတယ်။
ဒီလို မတည်မငြိမ် ဖြစ်နေတဲ့ အတွက် ကိုင်ရို မြို့ခံ တဦးကတော့ ဒီ ကိစ္စနဲ့ ပတ်သက်ပြီး အာဏာပိုင် တွေဘက်က ငြိမ်းချမ်း စွာ ဖြေရှင်းသွား သင့်တယ်လို့ ဆိုပါတယ်။ သူက အခု အခြေအနေ တွေက အတော်ကို ဆိုးရွား နေတဲ့ အကြောင်း၊ သူတို့ မြို့ခံ တွေအနေနဲ့ ဒီလို အခြေအနေ ဆိုးတွေကြား မှာ အလုပ် လုပ်လို့ လဲ မရတဲ့ အကြောင်း နဲ့ စစ်တပ် ဘက်က ဆန္ဒပြမှုတွေ ပြီးဆုံး စေဖို့ ဆိုရင် ဉာဏ် သုံး ပြီးတော့ ဖြေရှင်း ဖို့ သင့်တယ်လို့ သူ့ရဲ့ အမြင်တွေ ကို ပြောသွား ခဲ့ပါတယ်။
အခု အီဂျစ် နိုင်ငံမှာ စစ်တပ် အုပ်ချုပ်ရေး ကနေ အရပ်သား အစိုးရ အုပ်ချုပ်ရေး ကို ဖော်ဆောင် နိုင်ဖို့ အတွက် ရွေးကောက် ပွဲကြီး ကျင်းပဖို့ ပြင်ဆင် နေကြတဲ့ အချိန် ဖြစ် ပါတယ်။

ဝန်ကြီးချုပ် ဟောင်း အယတ်ဒ် အာလာဝီအီရတ် ပါလီမန်အတွင်း နိုင်ငံရေး မတည်ငြိမ်
အီရတ် နိုင်ငံမှာတော့ ဝန်ကြီးချုပ် နိုရီ အဲလ် မာလစ်ကီ ရဲ့ ဆုံးဖြတ်ချက် ချတဲ့ ကိစ္စတွေ မှာ လွှမ်းမိုး နေမှုကို မကျေနပ် ကြတဲ့ အတွက် ပါလီမန် ထဲက ဒုတိယ အကြီး ဆုံး အဖွဲ့က ဆန္ဒပြတဲ့ အနေနဲ့ ပါလီမန် ကနေ ထွက်သွား ခဲ့ကြ ပါတယ်။
အီရတ် နိုင်ငံကနေ အမေရိကန် တပ်တွေ ထွက်သွားခဲ့ တာ ရက်ပိုင်းပဲ ရှိနေသေး ချိန်မှာ အရင် ဝန်ကြီးချုပ် ဟောင်း အယတ်ဒ် အာလာဝီရဲ့ အီရတ်ကီယာ အဖွဲ့က အခုလို လုပ်လိုက်တဲ့ အတွက် နိုင်ငံအတွင်း နိုင်ငံရေး အကြပ်အတည်းတွေ ဖြစ်သွားစေခဲ့ ပါတယ်။
ဒီ အဖွဲ့ဟာ ၃၂၅ နေရာ ရှိတဲ့ အီရတ် ပါလီမန် ထဲမှာ သူတို့က လေးပုံ တပုံလောက် နေရာ ယူထားခဲ့ တာဖြစ်ပါတယ်။ အခုတော့ ဒီအဖွဲ့က ရှီဟိုက် တွေ ဦးဆောင်ထားတဲ့ အစိုးရကို ဒီပြဿနာ တွေ ဖြေရှင်း ဖို့နဲ့ ပတ်သက်ပြီး တွေ့ဆုံ ဆွေးနွေးဖို့ တောင်းဆိုထားပါတယ်။ ဒီ အီရတ်ကီယာ အဖွဲ့ဟာ အီရတ် မှာ လူနည်းစု ဖြစ်တဲ့ ဆွန်နီ အာရပ်တွေရဲ့ ထောက်ခံမဲ အများစုကို ရရှိထား တာဖြစ်ပါတယ်။

အညတရ သူရဲကောင်း ဂုဏ်ပြုပွဲ ဂျပန်မှာ ပြုလုပ်
2011-12-18
တိုင်းပြည်နဲ့ လူမျိုးအတွက် အနစ်နာခံ ဆောင်ရွက်တဲ့ အညတရ သူရဲကောင်းတွေရဲ့ စိတ်ဓာတ်နဲ့ စေတနာကို မြန်မာနိုင်ငံသားတွေနဲ့ နိုင်ငံတကာက အာရုံစိုက်လာဖို့ ရည်ရွယ်ချက်နဲ့ ဂျပန်နိုင်ငံရောက် မြန်မာတွေက ချီးမြှင့်တဲ့ အညတရ သူရဲကောင်းဆု ရရှိသူတွေကို တိုကျိုမြို့မှာ ဒီကနေ့ ဂုဏ်ပြုပွဲ ကျင်းပပါတယ်။

နိုင်ငံရေး ယုံကြည်ချက်ကြောင့် အကျဉ်းကျနေသူ ၃ ဦးကို အညတရ သူရဲကောင်းများအဖြစ် ၂ဝ၁၁ ခုနှစ် ဇွန်လ ၅ ရက်နေ့က ဂျပန်နိုင်ငံ တိုကျိုမြို့တွင် ပထမဆုံးအကြိမ် ရွေးချယ် ဂုဏ်ပြုခဲ့ပါသည်။
ဒီနှစ်ဟာ ဒုတိယ အကြိမ်မြောက် ချီးမြှင့်တာဖြစ်ပြီး နိုင်ငံရေး ယုံကြည်ချက်ကြောင့် အကျဉ်းကျနေသူ ၄ ဦးကို ချီးမြှင့်ဂုဏ်ပြုတယ်လို့ ဆု ချီးမြှင့်ရေးကော်မီတီဝင် ဦးမင်းထက်ဇော်က ပြောပါတယ်။

လူ ၂ ရာ ဝန်းကျင် တက်ရောက်တဲ့ ဒီကနေ့ အခမ်းအနားမှာ အမျိုးသားဒီမိုကရေစီ အဖွဲ့ချုပ် ဒုတိယဥက္ကဋ္ဌ ဦးတင်ဦး၊ ဗဟိုအလုပ်အမှုဆောင်အဖွဲ့ဝင် သတင်းစာဆရာကြီး ဦးဝင်းတင်တို့က ဗီဒီယိုက တဆင့် အမှာစကား ပြောကြားခဲ့သလို ဟာသပညာရှင် ကိုဇဂနာ ပေးပို့တဲ့ သဝဏ်လွှာကိုလည်း ဖတ်ကြားပြခဲ့ပါတယ်။

ဒီ အခမ်းအနားကို ဂျပန်နိုင်ငံရောက် မြန်မာနိုင်ငံသားတွေ၊ နိုင်ငံတကာ လွတ်ငြိမ်းချမ်းသာခွင့်အဖွဲ့၊ လူ့အခွင့်အရေး စောင့်ကြည့်ရေးအဖွဲ့၊ Human Rights Now အဖွဲ့ဝင်တွေ တက်ရောက်ခဲ့ကြပါတယ်။

အစိုးရနဲ့ SSA တောင်ပိုင်း ငြိမ်းချမ်းရေး ဆက်လက်ဆွေးနွေး
2011-12-18
ရှမ်းပြည် ပြန်လည်ထူထောင်ရေး ကောင်စီ RCSS∕SSA ရှမ်းပြည် တပ်မတော် တောင်ပိုင်းတပ်ဖွဲ့နဲ့ ပြည်ထောင်စုအဆင့် ငြိမ်းချမ်းရေး ဆက်လက်ဆွေးနွေးနိုင်ဖို့ ဇန်နဝါရီလမှာ တွေ့ဆုံကြဖို့ မနေ့က နှစ်ဘက် သဘောတူခဲ့ကြပါတယ်။

အစိုးရဘက်က အမှတ် (၂) လျှပ်စစ်စွမ်းအင်ဝန်ကြီး ဦးခင်မောင်စိုး၊ စစ်ဘက်ရေးရာ လုံခြုံရေးတပ်ဖွဲ့ က စစ်ဦးစီး ပထမတန်း ဗိုလ်မှူးကြီး ခင်မောင်ဌေးနဲ့ SSA တောင်ပိုင်းတပ်ဖွဲ့က ဗိုလ်မှူးကြီး စိုင်းလှ၊ ဒုတိယ ဗိုလ်မှူးကြီး စိုင်းနင်းတို့ ထိုင်းမြန်မာနယ်စပ် တာချီလိတ်မြို့မှာ ဒီဇင်ဘာလ ၁၇ ရက်နေ့မှာ တွေ့ဆုံခဲ့ကြပါတယ်။

မကြာသေးခင်က အပစ်အခတ် ရပ်စဲခဲ့ပြီးနောက် ငြိမ်းချမ်းရေးကိစ္စကို လာမယ့် နှစ်သစ် ၂ဝ၁၂ ဇန်နဝါရီလအတွင်းမှာ ပြည်တောင်စုအဆင့်နဲ့ တွေ့ဆုံဆွေးနွေးသွားဖို့ နှစ်ဘက် သဘောတူခဲ့ကြကြောင်း SSA တောင်ပိုင်းတပ်ဖွဲ့ရဲ့ ပြောရေးဆိုခွင့်ရှိသူ ဗိုလ်မှူး စိုင်းလောင်ဆိုင် က ပြောပါတယ်။

SSA တောင်ပိုင်းတပ်ဖွဲ့နဲ့ မြန်မာအစိုးရဟာ ရှမ်းပြည်နယ် တောင်ကြီးမြို့မှာ ဒီဇင်ဘာလ ၂ ရက်နေ့က အပစ်အခတ်ရပ်စဲရေး သဘောတူညီကြောင်း လက်မှတ်ရေးထိုးခဲ့ပြီး ဖြစ်ပါတယ်။

အပစ်အခတ် ရပ်စဲရေး၊ ဆက်သွယ်ရေးရုံးများ ထားရှိရေး၊ လက်နက်ကိုင်ဆောင်ခြင်း မပြုဘဲ လွတ်လပ်စွာ သွားလာနိုင်ရေး၊ နိုင်ငံရေးကိစ္စရပ်တွေကို ပြည်တောင်စုအဆင့်မှာ ဆွေးနွေးရေး စတဲ့ အချက် ၄ ကို ပြည်ထောင်စုအစိုးရဘက်က ဆွေးနွေးခဲ့သလို SSA တောင်ပိုင်းတပ်ဖွဲ့ကလည်း အပစ်အခတ် ရပ်စဲရေး၊ နိုင်ငံရေးပြဿနာ တွေကို လွတ်လပ်စွာ ဖြေရှင်းရေး၊ ဖွံ့ဖြိုးရေးလုပ်ငန်းတွေ အတွက် ဗဟိုဌာနချုပ်နယ်မြေ သတ်မှတ်ရေး အပါအဝင် မူးယစ်ဆေးဝါး တိုက်ဖျက်ရေးလုပ်ငန်းမှာ ပူးပေါင်းဆောင်ရွက်ရေး ကု ချပြဆွေးနွးခဲ့ပြီး နှစ်ဘက် မူအရ သဘောတူ လက်မှတ်ထိုးခဲ့ကြပါတယ်။

SSA တောင်ပိုင်းတပ်ဖွဲ့ဟာ ၁၉၉၅ ခုနှစ်က မြန်မာ စစ်အစိုးရထံ လက်နက်ချခဲ့တဲ့ ဦးခွန်ဆာရဲ့ MTA တပ်ဖွဲ့ကနေ သီးခြား ခွဲထွက်ခဲ့တဲ့ တိုင်းရင်းသား လက်နက်ကိုင်တပ်ဖွဲ့ ဖြစ်ပါတယ်။

SNDP ကြားဖြတ်ရွေးကောက်ပွဲ သုံးနေရာ ဝင်ပြိုင်မည်
2011-12-18
လာမယ့် ကြားဖြတ်ရွေးကောက်ပွဲမှာ ရှမ်းတိုင်းရင်းသားများ ဒီမိုကရက်တစ် ပါတီ SNDP က လစ်လပ်နေတဲ့ လွှတ်တော်ကိုယ်စားလှယ် ၃ နေရာမှာ ဝင်ရောက်ယှဉ်ပြိုင် အရွေးခံမယ်လို့ သိရပါတယ်။

တောင်ကြီးမြို့မှာ ဒီဇင်ဘာ ၁၇ ရက်နေ့က ကျင်းပ ပြီးစီးသွားတဲ့ အစည်းအဝေးကနေ အခုလို ဆုံးဖြတ်ခဲ့ကြောင်း SNDP ဒု ဥက္ကဋ္ဌ ဖြစ်သူ ကျောက်မဲမြို့နယ် ပြည်သူ့လွတ်တော် ကိုယ်စားလှယ် ဦးစိုင်းဆောင်ဆီ က ပြောပါတယ်။

“ရုံးချုပ်က တောင်ကြီးကို ပြောင်းလိုက်ပြီး တောင်ကြီးမှာပဲ ဆုံးဖြတ်ကြ တာ။ လားရှိုးက အမျိုးသားလွှတ်တော်၊ နောက် ကလောက ပြည်သူ့ လွှတ်တော်၊ မိုးကောင်းက ပြည်သူ့လွှတ်တော် သုံးနေရာ။ စတုတ္ထ အကြိမ် ဗဟိုအလုပ်အမှုဆောင် အစည်းအဝေးမှာ ဆုံးဖြတ်ကြတာ။ ကျန်တာကတော့ ပါတီတွင်းပါပဲ။ တာဝန်တွေကို တိတိကျကျ ပြန်ပြီး ခွဲဝေကြတယ်။ နောက်ပြီး အောင်နိုင်ရေးအတွက် တာဝန်တွေ ပေးကြတယ်။ စစ်ဘေး ဖြစ်နေတဲ့ လူထုကို ဘယ်လို ကူညီမလဲ၊ ဘယ်လို မြို့နယ်တွေကနေ ပံ့ပိုးမလဲ ဆိုတဲ့ ကိစ္စလေးတွေလည်း ဆုံးဖြတ်တာပေါ့”

လွှတ်တော်ကိုယ်စားလှယ် အမည်စာရင်းကို ရွေးချယ်ထားတာ မရှိသေးဘူးလို့လည်း သိရပါတယ်။ ဒီမဲဆန္ဒနယ်တွေမှာ ရွေးချယ်ခံလို သူတွေ အနေနဲ့ စာရင်း တင်သွင်းနိုင်သလို အမတ်လောင်းနေရာကို ဗဟိုအလုပ်အမှုဆောင်က ပြန်လည် စိစစ် ဆုံးဖြတ်သွားမယ်လို့ ဆိုပါတယ်။

ရှမ်းပြည်နယ်အတွင်း နိုင်ငံရေး စိတ်ဝင်စားသူ များလာပြီး ရွေးကောက်ပွဲ ဝင်လိုသူတွေ ရှိလာတဲ့အတွက် လာမယ့် ၂ဝ၁၅ မှာ ကျင်းပမယ့် ရွေးကောက်ပွဲမှာ ဝင်ရောက် အရွေးခံနိုင်ဖို့ ကြိုတင်ပြင်ဆင် တဲ့ အနေနဲ့ ပါတီကနေ လွှတ်တော် ကိုယ်စားလှယ်ကောင်းတွေ မွေးထုတ်နိုင်ရေးကိုလည်း ဆွေးနွေးခဲ့ကြတယ်လို့ သိရပါတယ်။

ကြားဖြတ်ရွေးကောက်ပွဲအတွက် NLD ပြင်ဆင်
2011-12-18
နိုင်ငံရေးပါတီအဖြစ် ပြန်လည် မှတ်ပုံတင်တော့မယ့် အမျိုးသား ဒီမိုကရေစီအဖွဲ့ချုပ်ဟာ ပါတီ တည်ထောင်ခွင့်ရပြီးနောက် ကြားဖြတ် ရွေးကောက်ပွဲ ကျင်းပမယ့် မဲဆန္ဒနယ် ၄၈ ခုမှာ ဝင်ရောက်ယှဉ်ပြိုင်ဖို့ သင့်တော်မယ့် ကိုယ်စားလှယ် လောင်း နေရာတွေ လျာထား စီစဉ်နေပါတယ်။

ဒီအစီအစဉ်အရ အမျိုးသားဒီမိုကရေစီ အဖွဲ့ချုပ် အထွေထွေ အတွင်းရေးမှူးရဲ့ ရုံးအဖွဲ့မှူးလည်းဖြစ်၊ နိုင်ငံရေးအကျဉ်းသားဟောင်း လည်း ဖြစ်တဲ့ ဗိုလ်ကြီးဟောင်း ဦးဝင်းထိန်က ဒေါ်အောင်ဆန်းစုကြည် ရဲ့ တာဝန်ပေးချက်အရ သူ့ဇာတိဖြစ်တဲ့ မန္တလေးတိုင်း မိတ္ထီလာမြို့မှာ ရွေးကောက်ပွဲဝင်ဖို့ ရည်ရွယ်ထားတယ်လို့ RFA ကို ပြောပါတယ်။

ဒေါ်အောင်ဆန်းစုကြည်ရဲ့ ကျန်းမာရေးကို တောက်လျှောက် ကြည့်ရှု စစ်ဆေးပေးနေတဲ့ ဒေါက်တာတင်မျိုးဝင်းက တနင်္သာရီတိုင်း မြိတ်ခရိုင် ကျွန်းစုမြို့နယ်ကနေ ရွေးကောက်ပွဲဝင်ဖို့ စီစဉ်နေသလို နိုင်ငံရေး အကျဉ်းသားဟောင်းတဦး ဖြစ်တဲ့ စာရေးဆရာ မုံရွာအောင်ရှင်က စစ်ကိုင်းတိုင်း ပုလဲမြို့နယ်ကနေ ရွေးကောက်ပွဲဝင်နိုင်ဖို့ ပြင်ဆင်နေ တယ်လို့ သိရပါတယ်။

သမိုင်းဝင် ရန္တပို
 ကြည်ဝေ on December 12, 2011
လေက မြစ်ပြင်ကိုကျော်ပြီး ရန္တပိုဆိပ်ကမ်းကလေးဆီကို တသုန်သုန်ပြေးတက်လာသည်။ အိုးကွဲစလေးတွေက ကမ်းစပ်မှာ ဟိုဟိုဒီဒီ ပြန့်ကျဲနေပြီး အိုးလာဝယ်သော စက်လှေတစင်းလည်း ဆိပ်ကမ်းမှာ ဆိုက်ကပ်ထားသည်။

ရန္တပိုရွာ အိုးလုပ်ငန်း မြင်ကွင်း (ဓာတ်ပုံ - ဧရာဝတီ)
မြင်းခြံမြို့နယ် ဧရာဝတီမြစ် အရှေ့ဘက်ကမ်းနား ရွာကြီးတရွာဖြစ်သော ရန္တပိုရွာသည် သမိုင်းဝင် ရန္တပိုစာချုပ် ချုပ်ဆိုခဲ့ရာ ရွာကြီးဖြစ်ပြီး ထိုရွာတရွာလုံး အိုးလုပ်ငန်းသာ လုပ်သည်။
ရန္တပိုစာချုပ်သည် ခရစ်သက္ကရာဇ် ၁၈၂၄ ခုနှစ် ဘကြီးတော်ဘုရား လက်ထက်တွင် ဖြစ်ပွားခဲ့သော ပထမ အင်္ဂလိပ်-မြန်မာ စစ်ပွဲကို ပြေငြိမ်းစေရန် အင်္ဂလိပ်အစိုးရ ကိုယ်စားလှယ်များနှင့် မြန်မာဘုရင်အစိုးရ ကိုယ်စားလှယ်များ သက်ဆိုင်ရာ နိုင်ငံတို့၏ ကိုယ်စား လက်မှတ်ရေးထိုးကြသော စာချုပ်ဖြစ်သည်။ မြန်မာနိုင်ငံအထက်ပိုင်း အင်းဝမြို့မှ တောင်ဘက် မိုင် ၄ဝ ခန့်ကွာဝေးပြီး မြင်းခြံမြို့အထက် ခြောက်မိုင်ကွာဝေးသော ဤရန္တပိုရွာတွင် တွေ့ဆုံ၍ စာချုပ်ချုပ်ဆိုခဲ့ကြသည်။
ရန္တပိုဆိပ်ကမ်းတည့်တည့် ကုန်းပြင်မြင့်ပေါ်သို့ တက်လိုက်လျှင် ရန္တပိုရွာသို့ ရောက်သည်။ ရွာက အတွင်းပိုင်း နည်းနည်းကျသော်လည်း မြစ်နှင့်မဝေး။ ရွာထိပ်ဆုံးက ခြံမှာ ယခုနှစ် ကမ်းပါး မြေပြိုသောအပိုင်းနှင့် အတော်အတန် နီးကပ်လာနေသည်။
“နှစ်တိုင်း ကမ်းပါးက ပြိုတယ်။ ဒီဘက်မှာ သောင်ထွန်းရင် ဟိုဘက်မှာ ကမ်းပါးပြိုတယ်ဆိုတဲ့ အတိုင်းပဲ။ သောင်ထွန်းတာ များလေ ကမ်းပါးပြိုလေပဲ။ ဒါက ဆက်နေတာ။ ဒီနှစ်နှစ် သုံးနှစ်အတွင်း ကမ်းပြိုလိုက်တာ ခြံဝိုင်းတ၀ိုင်းစာပဲ။ ကျုပ်တို့လည်း ဒီနှစ်ကုန် ရွှေ့ရတော့မယ်” ဟု ရန္တပိုရွာထိပ် ကမ်းပါးနှင့် အနီးဆုံးခြံဝန်းတွင် နေထိုင်သူ အမျိုးသမီးကြီးက ပြောသည်။
“ကျုပ်တို့ ငယ်တုန်းကတော့ ရေ၀င်ပေမယ့် ရွာမပျက်ဘူး၊ ရေတွေကလည်း ဗောင်းလန်နေတာ။ ခုတော့ ဒီဘက်အထိ ရေမရောက်တာ ၄ နှစ်ကျော် ၅ နှစ်ထဲ ရောက်ပြီ။ ရေမ၀င်ပေမယ့် ကမ်းပါးကတော့ တအိအိပြိုတုန်းပဲ” ဟု အဆိုပါ အသက် ၇၀ ကျော်အရွယ် အမျိုးသမီးကြီးက ရှင်းပြသည်။
ယခုချိန်မှာ ဧရာဝတီမြစ် ရေကြီးချိန်မဟုတ်၊ မြစ်ကမ်းဘေးက ရွာငယ်များထဲ ရေ၀င်ချိန်လည်း မဟုတ်၊ ဆောင်းလေ တိုက်ခတ် နေချိန်ဖြစ်သည်။ မြစ်ရေက ငြိမ်သက်နေသော်လည်း နေရောင်က ပြင်းသောကြောင့် ရေပြင်မှာ တံလျပ်ထနေသည်။
ရွာထဲတွင် အိမ်တိုင်း၌ အိမ်ရှေ့၊ အိမ်ဘေး၊ အိမ်နောက်၊ အိမ်နှင့်ကပ်လျက်တို့တွင် အိုးများ နေလှမ်းထားသည်ကို တွေ့ရသည်။ တချို့အိမ်များတွင် တဲအိမ်ကို ဂိုထောင်သဘောဆောက်ပြီး မြေကြီးများ ထည့်သိမ်းထားကြတာ တွေ့ရသည်။
“ဒီမြေကြီးတွေက သောင်တွေကနေ သွာတူးထားရတယ်။ ကျမတို့ကတော့ သွားမတူးနိုင်လို့ ထော်လာဂျီတစီးစာကို ငွေကျပ် ၉၀၀၀ ဈေးနဲ့ ၀ယ်သုံးနေရတယ်။ ဒါက ၃ စီးစာ ၀ယ်ထားတာ” ဟု အမျိုးသမီးကြီးက ရှင်းပြသည်။
အိမ်တိုင်းလိုလိုတွင် မြေသိမ်းထားကြသည်ကို မတွေ့ရသော်လည်း အိမ်တိုင်းမှာ အိုးလှမ်းထားကြတာ တွေ့ရသည်။ ထို့အပြင် အိမ်တိုင်းမှ အမျိုးသမီးတိုင်းကလည်း အိုးလုပ်နေကြတာ တွေ့ရသည်။

ရွာအတွင်းကျကျ အိမ်တအိမ်တွင် အသက် ၈၀ အရွယ် အမျိုးသမီးကြီးက ပေါင်ပေါ်တွင် အသက် ၂ နှစ်အရွယ်ကလေးကို ချီတင်ထားပြီး မောင်းတံပါသော ခြေနင်းစက်ဖြင့် ခြေတဖက်က နင်းကာ အိုးစက်ကို လည်စေသည်။ ထိုမောင်းတံ ခြေနင်း၏ထိပ်တွင် မြေအိုးလုပ်စက် ရှိပြီး ထိုစက်အလှည့်အတိုင်း အမျိုးသမီးတဦးက ထိုင်ကာ အိုးလုပ်လျက်ရှိသည်။ ထိုအမျိုးသမီး၏ ညာဘက်တွင် အိုးလုပ်သော နှူးပြီး မြေတုံးများကို တင်ထားသည်ကို တွေ့ရသည်။
“ကျမ အသက် ၈ နှစ်ကတည်းက အိမ်က အိုးလုပ်ငန်းမှာ ၀င်ကူလုပ်နေတာ၊ အခု အသက် ၃၈ နှစ်ဆိုတော့ နှစ် ၃၀ ရှိပြီ။ ဒီအလုပ်ပဲ လုပ်တယ်။ အမေတို့ အဖွားတို့ကလည်း ဒီအလုပ်ပဲ လုပ်ခဲ့တယ်” ဟု ရန္တပိုရွာသူ အသားညိုညိုညက်ညက်နှင့် ပါးပြင်တွင် သနပ်ခါး ပါးကွက်ကြီးကြီး ကွက်ထားသော မလှလှသိန်းက ပြောပြသည်။
အရွယ်မျိုးစုံ၊ ဆိုက်မျိုးစုံ ရေအိုး၊ ထမင်းအိုး၊ ညောင်ရေအိုး စသော အိုးမျိုးစုံကို အသက် ၈ နှစ်သမီး အရွယ်ကတည်းက အကျွမ်းတ၀င် လုပ်ခဲ့ခြင်းဖြစ်ကြောင်း မလှလှသန်းက နှုတ်က ပြောဆိုနေသကဲ့သို့ လက်ကလည်း မြေသား မသိပ်သေးသော အိုးကို တုတ်တံဖြင့် တဖောင်းဖောင်းရိုက်ရင်း ကျွမ်းကျင်မှုကို ပြသနေသည်။
ဧရာဝတီမြစ်ကမ်းနား ကျေးရွာလေးမှ ထုတ်လုပ်သော အိုးများမှာ မြန်မာပြည်အထက်ပိုင်းသာမက မြန်မာပြည် အောက်ပိုင်းဒေသများ အထိပါ ပြန့်ပြန့်နှံ့နှံ့ အရောက်ပို့ကြောင်း သိရသည်။
“ကျမတို့က ရွာကနေ မြင်းခြံကို ပို့တယ်။ မြင်းခြံကနေ မန္တလေးဘက်၊ စစ်ကိုင်းဘက်ကို ပို့ပေးတယ်။ မန္တလေး၊ စစ်ကိုင်းကနေ တပြည်လုံးဖြန့်နေတာ” ဟု မလှလှသိန်းက ပြောသည်။

မြေပြင်ပေါ် ဒီအတိုင်း ထိုင်ချပြီး ခြေဆန့်ကာ အိုးလုပ်နေသော သူမရှေ့တွင် နေလှမ်းထားသော အိုးတွေ ရှိသည်။ အရောင်တွေကတော့ မြေညီရောင်ဖြင့် ပြောင်နေတာ တွေ့ရပြီး အိုးတွေ တလုံးပေါ်တလုံး မှီပြီး စီထားသည်ကို
ကြည့်ရသည်မှာ ညီညာလှပေသည်။
ထိုအိုးများကို စက်လှေများနှင့် တလတခါ လာဝယ်ကြပြီး တချို့က လိုချင်သော ပုံစံ၊ အရွယ်အစားနှင့် အမျိုးအစားကို အော်ဒါမှာပြီး အပ်သွားကြသည်။
“တလတခါ ပုံမှန်ယူတဲ့သူတွေ ရှိတယ်။ ကျမတို့က အိုးထိုင်လုပ်ပေးရုံပဲ။ ဈေးကွက်ကလည်း သူ့ဟာနဲ့သူ ရှိပြီးသား။ လျော့ပြီး ရောင်းရတယ်လို့ကို မရှိဘူး။ အော်ဒါက တိုးပြီးသာ ရတယ်။ လျော့ရတယ်လို့ တခါမှ မရှိဘူး” ဟု မလှလှသန်းက ပြောပြသည်။
သောက်ရေအိုးတလုံးကို ငွေကျပ် ၄၀၀ ဈေးဖြင့် ဖောက်သည်ပေးပြီး တလုံးတည်း ကျပ် ၅၀၀ ဈေးဖြင့် ရောင်းသည်။
ပလပ်စတစ် ရေသန့်ဘူး၊ ရေသန့်စက်၊ စတီးရေသန့်ဘူး၊ စတီးရေသန့်စက်များ ပေါ်လာခဲ့သော်လည်း အိုးလုပ်ငန်းအပေါ် ထိခိုက်မှုမရှိဟု သိရသည်။
“အရောင်းအ၀ယ်က ပုံမှန်ဖြစ်နေပေမယ့် ကျမတို့ကတော့ ငွေကို ခြစ်ခြုတ်ပြီး သုံးရတာရယ်။ အိုးတွေရောင်းရ၊ လုပ်ရတာပေမယ့် ငွေကတော့ သိတဲ့အတိုင်း မစုမိဘူး။ ပိုပိုလျှံလျှံ အနေအထားလည်း မရှိဘူး။ လုပ်ရင်း စားရင်းနဲ့ ကုန်တယ်” ဟု မလှလှသန်းက သူမတို့ကျေးရွာရှိ အိုးလုပ်ငန်းနှင့် ပတ်သက်သော စီးပွားရေးအခြေအနေကို ပြောပြသည်။
ရွာတွင် အိမ်ထောင်စုပေါင်း ၁၀၀ ကျော်ရှိပြီး ၉၈ အိမ်က အိုးလုပ်ငန်းသာ လုပ်ကိုင်ကြောင်း၊ တခြား စီးပွားရေးလုပ်သူမှာ ၄ အိမ်ထောင်ခန့်သာ ရှိကြောင်း၊ အိုးလုပ်ငန်းလုပ်သူများမှာ စားလောက်သူက များသော်လည်း ပိုလျှံစုဆောင်းဖို့မူ ခက်ခဲကြောင်း သူက ဆိုသည်။
အိုးလုပ်ငန်း လုပ်သူတို့အတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) က ပြီးခဲ့သော အောက်တိုဘာလတွင် တအိမ်ထောင်လျှင် ငွေကျပ် ၁ သိန်းနှုန်းဖြင့် ငွေလာချေးပေးခဲ့ကြောင်း၊ ၆ လတကြိမ် ဖဲ့ဆပ်ရမည်ဖြစ်ပြီး အတိုးမှာ ၁ ကျပ် ခွဲနှုန်းဖြစ်ကြောင်း သိရသည်။

“ကျုပ်တို့ကို ပိုက်ဆံချေးပေးတာ ကျေးဇူးတင်ပါတယ်။ ဒါပေမယ့် တကယ်လိုအပ်တာက ဆေးပေးခန်းပဲ” ဟု အိုးဖုတ်နေသော အသက် ၆၀ ၀န်းကျင်အရွယ် အမျိုးသားကြီးက အိုးထည့်ဖုတ်ထားသော ကောက်ရိုးမီးခိုး တလူလူကို ငြှိမ်းသတ်ရင်း လှမ်းပြောသည်။
ထိုကျေးရွာမှာ လွန်ခဲ့သော ၂၀၁၀ ရွေးကောက်ပွဲတွင်လည်း ကြံ့ဖွံ့ပါတီက အနိုင်ရခဲ့ကြောင်း၊ လက်ရှိတွင် ကျေးရွာအုပ်ချုပ်ရေးမှူး ပြောင်းလဲအုပ်ချုပ်နေကြောင်း၊ ကျေးရွာတွင် ယခုကဲ့သို့ ငွေချေးပေးဖို့ထက် ဆေးပေးခန်း တည်ဆောက်ရေးကို ရွာသားများက လိုလားကြောင်း အဆိုပါ ကျေးရွာသားက ပြောသည်။
“ရွာမှာက ဆေးပေးခန်းလည်း မရှိဘူး၊ ကျန်းမာရေးဝန်ထမ်းလည်း မရှိဘူး။ ကျန်းမာရေး ကိစ္စဆိုရင် မြင်းခြံဘက်ကို ပြေးရတာပဲ။ မြင်ခြံနဲ့ ဒီက ၁၀ မိုင်လောက် ဝေးတယ်ဆိုတော့ အဖိတ်အစင်များကြတယ်။ အားလုံးက ရွာမှာ ဆေးပေးခန်းလေးတခုနဲ့ ကျန်းမာရေးဝန်ထမ်း တယောက်လောက် ရှိစေချင်တယ်” ဟု အမျိုးသားကြီးက ပြောသည်။